Իշխող ուժից շատերը հասկանում են, իրենք ոչ մի բան են Նիկոլի համար, և եթե եղավ արտահերթ ընտրություն, ապա հունիսի 20-ից հետո փողոցում էլ չեն կարողանալու հանգիստ ման գալ․ Գեղամ Մանուկյան (տեսանյութ)
ՔԱՂԱՔԱԿԱՆՈՒԹՅՈՒՆԻշխող ուժից ներկայացուցիչներից շատերը գիտակցում են, որ ԱԺ արտահերթ ընտրությունների դեպքում իրենցից շատերն անգործ են մնալու, նույնիսկ փողոց չեն կարողանալու հանգիստ դուրս գալ, ԱԺ Դեմիրճյան փողոցի մուտքի մոտ լրագրողների հետ զրույցում ասաց ՀՅԴ անդամ Գեղամ Մանուկյանը՝ ավելացնելով, որ իշխող ուժի պատգամավորներին հետ որևէ հարցի քննարկում և հարաբերութուն անհնարին է։
«Իրենք դարձել են միայն կոճակ սեղմող, ուղեղները հանած որևէ բան չեն գիտակցում: Իրենք կարող են արդարացնել նախարարի կողմից լրագրողին հարվածելը կարող են ամեն ինչ արդարացնել, արդարացնում են պարտությունը, բայց հոգու խորքում մի բան կա, երեկ որ լսել են, որ կարող է արտահերթ ընտրություն լինի, մեծ մասը շան պես վախեցել է, նրանք հասկանում են, որ իրենք ոչ մի բան են Նիկոլի համար, և եթե հանկարծ եղավ ընտրություն, որը կասկածելի է, հունիսի 20-ից հետո գիտեն, որ որևէ տեղ չեն լինելու, փողոցում էլ չեն կարողանալու հանգիստ ման գալ»,–ասաց նա:
Խոսելով երկրում ստեղծված իրավիճակի մասին՝ Գեղամ Մանուկյանն ասաց․ «ՄԻՊ-ին հայհոյում են սոցիալական տիրույթում, քրեորեն պատժելի հանցանք են կատարում: ՄԻՊ-ին հայհոյել է Նիկոլի կուսակցության վերստուգիչ հանձնաժողովի անդամներից մեկը: Նոր տարուն մեր ժողովրդի մեծ մասը Նոր տարի չէր անում, չէր դադարում մարդկանց հոսքը Եռաբլուր, անկախ այն բանից այնտեղ զավակ ունեին, թե ոչ, այդ օրը սգի օր էր, և իշխող ուժի այդ ներկայացուցիչը տոնածառի շուրջ լուսանկարներն էր հրապարկում, սա է դրանց բարոյականությունը»:
Լրագրողի դիտարկմանը, թե իշխող ուժի ներկայացուցիչ պատգամավոր Արմեն Խաչատրյանն ասել է, որ Սյունիքի համայնքապետեր ո՛չ ջոկատ են կազմել, ո՛չ էլ կռվել են պատերազմի ժամանակ, Գեղամ Մանուկյանն ասաց. «Մարդ գետինը կմտներ սյունեցի համայնքապետերի մասին նման բան ասելուց հետո: Բոլոր համայնքապետերն ամեն օր հրապարակային մի ապտակ հասցնում են նրան, արժանապատվություն ունեցող տղամարդը կամաչեր իր արածի համար: Մեր գործընկերներից գիտեն, թե իմքայլական պատգամավորը, որտե՞ղ է եղել ու ոչինչ չի արել, և համայնքապետը ոնց է դիրքերում եղել: Մեր գործընկերներից շատ շատերը նույն Գորիսի համայնքապետի հետ հարցազրույցի համար ստիպված էին այդ օրերին դիրքեր բարձրանալ, որովհետև Առուշ Առուշանյանը մեծ մասը անցկացրել է դիրքերում, մարտական հերթապահության մեջ»:
