Միքայել Մինասյան. Կապիտուլյանտի բեմադրությունը մոտեցավ ավարտին, եւ այն ճակատագրական էր Նիկոլի համար

Կապիտուլյանտի բեմադրությունը մոտեցավ ավարտին, եւ այն ճակատագրական էր Նիկոլի համար: Այս մասին իր Telegram-ալիքում գրել է Վատիկանում ՀՀ նախկին դեսպան Միքայել Մինասյանը:

«1․ Նիկոլը ներողություն խնդրեց: Նա հասկանում է, որ մեղավոր է, նա հասկանում է, որ պետք է ներողություն խնդրի: Արարողակարգային ներողությունը, իհարկե, վատ ժանր չէ, գուցե նույնիսկ շահավետ է: Կարեւորն այն է, որ բոլորը տեսնում են, որ նա ներողություն չի խնդրում իր ամենամեծ մեղքի՝ առաջին իսկ օրվանից ստելու համար:

2. Նիկոլը իր հանրահավաքը կազմակերպեց, որպեսզի ցույց տա, թե աջակցություն ունի, բայց ցույց տվեց, որ ունի վարչառեսուրս, հանցավոր աշխարհ եւ փողեր: Ամեն ինչ լավ կլիներ, բայց սրանով նա ընդմիշտ փակեց իր ղեկավարությամբ արդար ընտրությունների թեման: Այսօր նա լայն զանգվածների կիսաստվածից վերափոխվեց ստեր կուտակած բռնապետի, ով չի կարողացել մարդկանց առանց սպառնալիքների եւ շահագրգռելու իր հանրահավաքին կանչել:

3. Մարդիկ, ովքեր կամավոր չէին եկել նրա հանրահավաքին, հազարներով միացան ընդդիմության հանրահավաքին: Այս տեղեկատվությունը Նիկոլի համար հաստատել են ոստիկանությունն ու ԱԱԾ-ն:

4. Երբ Նիկոլն իր կողմից նշանակված Օնիկ Գասպարյանին դավաճան է անվանում եւ մեղադրում է նրան Սերժ Սարգսյանի հրամանները կատարելու մեջ, նա ենթասպայի այրու նման ինքն իրեն մտրակում է:

5. Նա վախենում է, եւ այդ պատճառով նրա ելույթի հիմնական թեզը «թավիշի» չեղարկումն էր: Այլ կերպ ասած՝ ազդարարում էր բռնաճնշումների մասին: Նա մոռացել է 3 բանի մասին՝ չկան նրանք, ովքեր կմասնակցեն բռնաճնշումներին, չկան նրանք, ովքեր վախենում են բռնաճնշումներից, եւ որ բռնաճնշումները երբեք չեն կերակրի քաղցածներին: Քաղցած՝ բառիս բուն իմաստով:

6. Ազդարարվեցին տարբեր քաղաքական դերակատարների քաղաքական հայտարարություններ: Մենք տեսանք մեկ դերասանի հանրահավաք: Իսկ դա նշանակում է, որ ոչ ոք չի ցանկացել նրա հետ կիսել ամբիոնը եւ ոչ ոք չի ցանկացել բարձրաձայնել, դնել իր օրակարգը Նիկոլի օրակարգի կողքին:

7. Հավաքի խորհրդանիշը, մասկոտը* Գռզոն էր, որը բեմում կանգնած էր Նիկոլի կողքին: Օլիգարխ, որը հարմարավետորեն ապրում էր անկախ Հայաստանի բոլոր իշխանությունների օրոք:

8. Հատկանշական է, որ Նիկոլը ոչ մի բառ չասաց պատերազմի եւ Աղետի հաղթահարման մասին: Ցավակցության եւ հիշատակի մի քանի հերթապահ արտահայտությունները չհաշված։ Համեմատեք ատելություն սերմանելուն հատկացված ժամանակը եւ զոհվածների ոգեկոչմանը հատկացված ժամանակը: Նիկոլի համար կարեւոր է, որ պարտությունը մոռացվի, եւ դիսկուրսը վերածվի իր համար հարմարավետ սխեմայի՝ լավ ես-ի պայքարը մնացած բոլոր վատերի դեմ:

Դե, այսօր մենք նրան մեծ ցավ պատճառեցինք: Մնում է տապալենք:

* միջոցառումը բնութագրող խորհրդանշական կենդանի: 1980-ին Մոսկվայի օլիմպիադայի մասկոտը Օլիմպիական արջուկն էր»: