«Ազգի ծնունդը»․ Մաքսիմ Շևչենկոն Ադրբեջան իրականացրած իր այցի մասին
ՔԱՂԱՔԱԿԱՆՈՒԹՅՈՒՆ
info24.ru-ն գրում է, որ Լեռնային Ղարաբաղը ազատագրելուց հետո Ադրբեջանում սկսվել է հայրենասիրության աննախադեպ վերելք: Այս մասին Info24-ին ասել է լրագրող Մաքսիմ Շևչենկոն, որը վերջերս է այցելել այդ հանրապետություն: Ըստ Շևչենկոյի` Ադրբեջանի ժողովուրդը զգում է այնպիսի միասնություն, որը կարելի է անվանել «ազգի ծնունդ»:
«Անհավատալի հայրենասիրական խանդավառություն: Մի կողմից, շատ զոհեր կան, բայց մյուս կողմից, քանի որ կա հաղթանակ, մի իրավիճակ է, որը կարելի է անվանել ազգի ծնունդ: Յուրաքանչյուր ազգի համար կա երկու պահ, որոնց միջով նա պետք է անցնի, որպեսզի զգա իրեն միասնական գործոն: Դա ընդհանուր ողբերգությունն է (Ղարաբաղը 1992 թվականին) և ընդհանուր հաղթանակը: Դա աննկարագրելի է բոլոր ադրբեջանցիների համար, ոչ միայն էթնիկ, այլ նաև ռուսների, հրեաների և այլն: Ես շատերի հետ եմ խոսել, բոլորն էլ ինչ որ անհավանական զգացում ունեն: Ճիշտն ասած, կարելի է միայն նախանձել»,- ասել է նա:
Ռուսաստանի խաղաղապահների նկատմամբ վերաբերմունքը ընդհանուր առմամբ դրական է, ասել է Շևչենկոն: Ադրբեջանի բնակիչները գիտակցում են, որ առանց նրանց տարածաշրջանում շատ ավելի զոհեր կլինեին:
«Ադրբեջանը կհասցներ պատերազմը հաղթական ավարտին: Հայերը ջախջախիչ ռազմական պարտություն են կրել: Ուղղակի ջախջախիչ: Խնդիրն այն է, որ եթե Ադրբեջանը բանը հասցներ ավարտին, ապա տասնյակ հազարավոր հայեր կլինեին սպանված և կլինեին հազարավոր գերիներ: Այդ ժամանակ համագործակցության հնարավորություն չէր լինի, որն այժմ ի հայտ է եկել: Ուստի, կարծում եմ, որ Ալիևը ճիշտ է արել` ողջունելով ռուս խաղաղապահների մուտքն այնտեղ: Նրանք պատասխանատվություն են ստանձնել և թույլ տվել անցնել խաղաղ ձևաչափի», - ասել է Շևչենկոն:
Լրագրողը կարծում է նաև, որ տրանսպորտային միջանցքի բացումը օգուտ կբերի նաև Ռուսաստանին:
«Այդ տրանսպորտային միջանցքը, որն անցնում է Իրանի հետ սահմանին գտնվող ազատագրված հարավային շրջաններով, պարզապես փրկություն է Պուտինի համար, քանի որ դա Մետաքսի ճանապարհի ավարտ է»,- ասել է նա:
Ըստ լրագրողի` Ադրբեջանում Հայաստանից վրեժխնդրության վախ չկա: Փոխարենը իրական վախ կա հայ արմատականների կողմից ահաբեկչություններից:
Նյութը հրապարակման պատրաստեց Կամո Խաչիկյանը
