Փաշինյանը ցանկանում է Ռուսաստանին ներքաշել անխուսափելի պատերազմի մեջ Անդրկովկասում. քաղաքագետ
ՔԱՂԱՔԱԿԱՆՈՒԹՅՈՒՆ
radiokp.ru-ն գրում է, որ Հայաստանը մեղադրել է Ադրբեջանին ներխուժման մեջ: Երևանում պնդում են, որ հարևան պետության զինվորականները խորը ներթափանցել են Սյունիքի մարզ:
«radiokp.ru» -ի եթերում քաղաքագետ, «Ավրորա» լրատվական գործակալության ԱՊՀ փորձագետ Ասլան Ռուբաևը հայտարարել է, որ Հայաստանը կորցրել է սուբյեկտությունը:
«Նա այլևս չի հիշեցնում այն պետությունը, որտեղ բավականաչափ աշխատում և գործում են բոլոր պետական ինստիտուտները, հատկապես ուժայինները՝ բանակը և հատուկ ծառայությունները: Դա շատ նման է 80-ականների վերջերի Ռուսաստանին, երբ երկիրը անընդհատ կապիտուլյացիայի էր ենթարկվում, հրաժարվում էր իր դիրքերից և հեռանում: Այսօր Նիկոլ Փաշինյանը ցանկանում է Ռուսաստանին ներքաշել հերթական գլոբալ պատերազմի մեջ, որն անխուսափելիորեն կլինի Հարավային Կովկասում», - ասել է քաղաքագետը:
Ըստ նրա՝ Թուրքիան և Միացյալ Նահանգները խաղում են Հարավային Կովկասում Ադրբեջանի գերիշխանության և ռևանշիստական նկրտումների հետ:
«Դա կարող է հանգեցնել լայնամասշտաբ պատերազմի: Ինձ ցնցել է Հայաստանի վարչապետի լրիվ անհասկանալի դիմումը ՀԱՊԿ-ին: Ինչպե՞ս կարելի է դիմել ՀԱՊԿ-ին: Այսինքն դա նշանակում է, որ Ռուսաստանը պետք է գնա այնտեղ և կռվի նրանց համար, ովքեր ներկայումս չեն ցանկանում պաշտպանել իրենց տները, իրենց հողերը», - հիմնավորել է փորձագետը:
Նյութը հրապարակման պատրաստեց Կամո Խաչիկյանը
