Փաշինյանը մտածում է, որ Ռուսաստանում ապուշնե՞ր են
ՔԱՂԱՔԱԿԱՆՈՒԹՅՈՒՆ
regnum.ru-ն գրում է, որ Հայաստանի վարչապետի պաշտոնակատար Նիկոլ Փաշինյանի որոշումը՝ նամակ գրել Ռուսաստանի Նախագահ Վլադիմիր Պուտինին Սյունիքի մարզում Ադրբեջանի հետ սահմանակից իրավիճակի հետ կապված ռազմական օգնություն խնդրելու նպատակով մեկնաբանությունների բուռն առիթ է դարձել համացանցային հանրության շրջանում:
«Իսկ ի՞նչ: Այս պարտվողը դեռ իշխանության մե՞ջ է: Ինչ ուժեր նրան բերել են, թող հիմա էլ օգնեն», - գրել է Նադեյդա Գ-ն:
Շատ օգտատերեր են Փաշինյանին հորդորել հիշեցնել իրեն իշխանության բերած իր «ընկերներին», և որ իրենց «երեխան» գտնվում է ծանր վիճակում ու օգնության կարիք ունի:
«Հայաստանն ունի Միացյալ Նահանգների ամենամեծ դեսպանատունը: Ինչո՞ւ ինքը չի ուզում գնալ այնտեղ», - հարցնում է Սերգեյ 1-ինը:
Որոշ օգտատերեր միանգամայն անընդունելի են համարում ռուսական զորքերի մասնակցությունը երկու հարևան երկրների ռազմական բախմանը: Քաղաքացիները համոզված են, որ Ռուսաստանը այնտեղ ունի բավականաչափ խաղաղապահներ:
«Ինչո՞ւ է Փաշինյանը կարծում, որ ռուս զինվորները պետք է պաշտպանեն Հայաստանը: Ներգրավեք ձեր քաղաքացիներին ձեր սահմանները պաշտպանելու համար», - կոչ է արել Վալենտինան:
Ոմանք համոզված են, որ եթե Ռուսաստանը դիրք է գրավում այդ հակամարտությունում, ապա ամեն դեպքում չի կարող խուսափել մեծ փորձանքից: Ուստի պետք է շատ զգույշ գործի:
«Արդյո՞ք Փաշինյանը կարծում է, որ Ռուսաստանը ապուշ է: Եթե ՀԱՊԿ-ը հարձակվի Ադրբեջանի վրա, մեծ պատերազմ է սկսվում, Թուրքիան հարձակվելու է Հայաստանի վրա, ՀԱՊԿ-ը `Թուրքիայի վրա: Քանի որ Թուրքիան ՆԱՏՕ-ի անդամ է, ՆԱՏՕ-ն նույնպես չի մնա անմասն: Պատկերացնո՞ւմ եք ինչ կլինի », - գրել է Ռաջաբ Դ.-ն:
Մի շարք օգտատերեր եկել են այն եզրակացության, որ Փաշինյանի նամակը այն ցուցանիշն է, որ Հայաստանը ոչ թե ռազմական դժվարություն է ապրում, այլ որ ինքը՝ Փաշինյանը, ցանկանում է այնպիսի քաոս ստեղծել իր երկրի ներսում, որը թույլ կտա նստած մնալ վարչապետի աթոռին ավելի երկար ժամանակ...
«Չգիտես ինչու, ամեն ինչ այնպես է, որև Փաշինյանը որոշել է պատերազմ սկսել երկնքից, որպեսզի ինչ-որ կերպ մնա իշխանության մեջ», - մտածում է Իգոր Մ.-ն:
«Բուն Հայաստանում կան ռուսական զորքեր, Ղարաբաղում և Լաչինի միջանցքում խաղաղապահներ: Եթե սահմանազատումը բխի խորհրդային քարտեզներից, ապա Մոսկվան և Բաքուն վաղուց կարգավորված կլինեին ամեն ինչ: Իսկ այս ամբողջ հիստերիան Փաշինյանին պետք է ընտրությունների համար: Հիմա այդ հիստերիան պատճառ կդառնա ռազմական դրություն մտցնելու և ընտրությունները սառեցնելու համար: Փաշինյանը չի ցանկանում զիջել իշխանությունը: Հավանական է, որ Կրեմլը շատ լավ գիտի այդ ամենի մասին», - գրել է Ռինա Ա-ն:
Նյութը հրապարակման պատրաստեց Կամո Խաչիկյանը
