Սահմանի պաշտպանությունը և սոցիալական ռիսկերը
ՔԱՂԱՔԱԿԱՆՈՒԹՅՈՒՆ
Ինչպես հայտնի է ՀՀ-ում արդեն երրորդ օրն է պատերազմ է, իսկ երկրի ներսում հայտարարված է ռազմական դրություն։ Դրա հետ մեկտեղ հանրապետության ողջ տարածքում հայտարարված է համընդհանուր հանրահավաք, ինչը նշանակում է, որ 18-55 տարեկան ծառայության ենթակա բոլոր տղամարդիկ պետք է պատրաստ լինեն առաջնագիծ մեկնելու համար։ Այն հանգամանքը, որ պետության պաշտպանությունը սուրբ ու նվիրական գործ է և յուրաքանչյուր իրեն հարգող ու իր երկրի ու ընտանիքի ապագայի մասին մտածող անհատ պետք է արձագանքի այս կոչին, դա փաստ է և չի քննարկվում։ Սակայն այստեղ պետք է անդրադառնանք մի կարևոր և նուրբ հարցի, որը պետք է հաշվի առնեն զորակոչի հարցերն իրակացնող կառույցները։
Հայտնի է, որ ճակատ մեկնում են նշված տարիքի ծառայությանը պիտանի տղամարդիկ, այստեղ կա մի կարևոր առաձնահատկություն․ բանն այն է, որ մեկնողների թվում մեծ թիվ են կազմում սոցիալապես անապահով ընտանիքների երիտասարդներ, որոնք իրենց ընտանիքների միակ կերակրողն են (ասված խմբի մեջ են մտնում նաև օրավարձով աշխատող մարդիկ)։ Եթե ավելի մանրամասն ներկայացնենք տեղի ունեցող ընթացակարգը, ապա նշենք, որ զինկոմիսարիատներ ներկայացողները միանգամից չեն մեկնում առաջնագիծ, այլ տևական ժամանակ ընդհանուր կենտրոնացված հատվածներում են տեղակայվում։ Այս ամենի հետ մեկտեղ տվյալ անձաց ընտանիքները փաստացի մնում են բախտի քմահաճույքին թողնված, քանի որ զրկվում են տան միակ կերակրողից, ինչը, այս աննախադեպ լարված ու ռիսկային օրերին բավականին վտանգավոր երևույթ է։
Ինչ-խոսք պետության սահմանների պաշտպանությունն ու անվտանգության ապահովումը գերկարևոր է, բայց կարևոր է նաև սահմանագիծ մեկնած կամավորների ընտրանիքների սոցիալական աջակցություն ապահովելու և այդ նուրբ հարցը պետության կողմից կարգավորելու առաջնայնությունը։ Այնպես որ՝ պատկան մարմինները պետք է այս շատ զգայուն թեման պահեն իրենց աչքի առաջ և կոնկրետ քայլեր իրականցնեն։
Անդրանիկ Կիրակոսյան
