Փաշինյանական պատգամավորները հատում են ցինիզմի բոլոր սահմանները

Հայաստանի գործող իշխանությունները տգետ են և հպարտ իրենց տգիտության մեջ։ Հրաշալի իմանալով իրենց իսկ գործած ոճրագործությւոնները սեփական ժողովրդի դեմ՝ «Քաղաքացիական պայմանագրի» պատգամավորները հանրությունից և լրագրողներից ինքնապաշտպանվելու բավական հին և փորձված մեթոդ են սկսել կիրառել, իրենք են հարձակվում, լկտի պատասխաններ տալիս հարցերին, վիրավորում ու անարգում։ Սակայն կա մեկը, ով ադ հարցում գերազանցում է նույնիսկ իր կուսակցապետ Նիկոլ Փաշինյանին։ 

Ժամանակին շմայսներից բողոքող հանրությունն ավելի բեթարներին ստացավ, այսօր էլ ապշում է՝ տեսնելով ոչ բարեհունչ մականուն ստացած այդ տխրահռակ պատգամավորի վարքը։ Նախօրեին Հանրային հեռուստաընկերությանը տված հարցազրույցում Քոչարյանը, անդրադառնալով Հայաստանի արևելյան առաջնագծում ադրբեջանական հարձակման հետևանքով օրվա ընթացքում ծավալված մարտերին ու ընթացիկ օպերատիվ իրավիճակին, նշել էր. «Օրվա վերջում հակառակորդը կորցրել է մինչ այդ ստացած առավելությունները, շատ դիրքեր հետ ենք բերել»:

Պարզվեց՝ Անդրանիկ Քոչարյանը պարզապես ստում է, հայկական կողմը երկու դիրք է կորցրել։ Լրագրողներից մեկի դիտարկմանը, թե իր և ՊՆ հայտարարությունները հակասական են, ՊՆ-ն հենակետերի կորստի մասին է հայտարարել, Անդրանիկը պատասխանեց․ «Հակասում են, ուրեմն կճշտվեն»։

Ներողություն խնդրելու փոխարեն Քոչարյանը երեկ ագրեսիվ էր հակադարձում լրագրողներին։ «Գնացեք Ռոբերտ Քոչարյանին հարցեր տվեք»։ «Ես տղաների վիճակը գիտեմ, դու գնա վարսավիրանոց»,- ասում էր պատգամավորը, ով ամեն կերպ ջանում էր ճեղքել լրագրողների բազմությունն ու խույս տալ նրանց հարցերից, չմոռացավ պահանջել, որ վերջիններս դիմակ դնեն, այն դեպքում, երբ ինքն անձամբ դիմակ չէր կրում։

Փոխվարչապետի կամ պաշտպանության նախարարի հրաշալի թեկնածու է, անշուշտ։ Այս տեմպերով նրան էլ նման մի պաշտոն բաժին կհասնի։ Փաշինյանը սիրում է իր մտահորիզոնին և հոգեկերտվածքին հարազատ, տարրական դաստիարակություն չունեցող այսպիսի կադրերի։

Արկադի Հայրապետյան