Քաղաքագետ. Փաշինյանը կարևոր դեր է խաղում Օսմանյան կայսրության վերականգնման գործում
ՀԱՍԱՐԱԿՈՒԹՅՈՒՆ
rossaprimavera.ru-ն գրում է, որ Հայաստանի վարչապետ Նիկոլ Փաշինյանը անհերքելիորեն կարևոր դեր է խաղում Օսմանյան կայսրության վերականգնման գործում: Նման կարծիք է հայտնել Eurasia.Expert հրատարակության սյունակագիր Բենիամին Մաթևոսյանը:
Փորձագետը նշել է, որ մինչև 2020 թվականի սեպտեմբերի 27-ը Ադրբեջանը գոնե փորձում էր պահպանել հավասար հեռավորության ինչպես Մոսկվայի, այնպես էլ Անկարայի հետ, սակայն Լեռնային Ղարաբաղի պատերազմից հետո Բաքուն դարձել է Անկարայի «քաղաքական կցորդը», և Էրդողանը կօգտագործի այդ կցորդը թե՛ Թեհրանի, թե՛ Մոսկվայի դեմ:
«Շատերը չհասկացան (և դեռ չեն հասկանում), որ անցյալ տարվա պատերազմը ոչ այնքան Արցախի, որքան Սյունիքի համար էր, որը պետք է Թուրքիային, իսկ Իրանն ու Ռուսաստանը նրա հեռահար նպատակներն են: Եթե Էրդողանը հայերի դեմ կռվել է ադրբեջանցիների ու ահաբեկիչների «թնդանոթի մսով», ապա ինչո՞ւ նա նույնը չի կարող անել Իրանի կամ Ռուսաստանի դեմ», - գրել է Բենիամին Մաթևոսյանը:
Փորձագետը հիշեցրել է, որ CNN Turk- ին տված հարցազրույցում Ադրբեջանի նախագահ Իլհամ Ալիևը մեծ դժգոհություն է հայտնել պաշտոնական Մոսկվայից այլ ոչ թե Հայաստանի իշխանությունների գործունեությունից ասելով, որ ինքը չի հասկանում, թե ինչո՞ւ է Ռուսաստանը զինում Հայաստանին, երբ «Հայաստանի ժողովուրդն ու ղեկավարությունը հաշտվել են պարտության մտքի հետ»:
«Այնուամենայնիվ, Ադրբեջանի նախագահի վերջին ելույթը կրկին հաստատել է այն պարզ ճշմարտությունը, որ նոր պատերազմի սպառնալիքը դեռ պահպանվում է: Ավելին, նոր պատերազմը տեղի կունենա ոչ թե Արցախի, այլ Հայաստանի տարածքում», - գրել է Մաթևոսյանը: Հեղինակը հարց է տալիս, որ եթե Լեռնային Ղարաբաղը կարող էր հանձնվել պատերազմի միջոցով, ապա ինչու՞ նույնը չի կարելի անել Երասխի կամ Ոսկեպարի դեպքում: Նա հիշեցրել է, թե ինչպես են Հայաստանի ներկայիս իշխանությունները մերժել Ռուսաստանի նախագահի առաջարկները, և սպասել են Շուշիի անկմանը և միայն դրանից հետո են դադարեցրել պատերազմը:
«Ինչո՞ւ կրկին անգամ «ոչ» չասել Պուտինին, սպասել, մինչև ադրբեջանցիները ռազմական ճանապարհով բացեն Զանգեզուրի միջանցքը և միայն դրանից հետո դադարեցնել պատերազմը: Ինչու՞ էր հնարավոր հանձնել Շուշին և այնտեղ գտնվող Վազգեն Սարգսյանի հուշարձանը, բայց չհանձնել նրա հայրենի գյուղը (Դավալուն. գտնվում է Երասխից 17 կմ հեռավորության վրա) և Սարգսյանի տուն-թանգարանը», - հարց է տալիս քաղաքագետը:
Նա նշել է, որ Իլհամ Ալիևի ելույթից պարզ է դարձել, որ իրականում Ադրբեջանն ու Թուրքիան կտրականապես դեմ են Հայաստանի վերազինմանը, բայց Ռուսաստանը դա շարունակում է անել անկախ նրանց ցանկություններից: «Հետաքրքիր կլիներ մտածել այն մասին, որ եթե չլիներ Ռուսաստանի դիմադրությունը, պաշտոնական Երևանն արդեն կճանաչե՞ր Ադրբեջանի «տարածքային ամբողջականությունը» և վերջնականապես կհրաժարվե՞ր Արցախից և արցախահայությունից», - գրել է նա:
Ավելի վաղ, թուրքական CNN Turk հեռուստաալիքին տված մեծ հարցազրույցում, Ադրբեջանի ղեկավարը ասել էր, որ Հայաստանում անցկացված վերջին խորհրդարանական ընտրությունները ցույց են տվել, որ Հայաստանի իշխանությունները և հայ ժողովուրդը համակերպվել են ղարաբաղյան պատերազմում պարտության հետ, և իր համար պարզ չէ, թե ինչո՞ւ է նման պայմաններում Ռուսաստանը շարունակում զինել հայկական բանակը:
Նյութը հրապարակման պատրաստեց Կամո Խաչիկյանը
