Համացանց. Փաշինյանը դարձել է Հայաստանի վարչապետ. «Բոլորին մատների վրա խաղացրեց»
ՀԱՍԱՐԱԿՈՒԹՅՈՒՆ
regnum.ru-ն գրում է, որ Նիկոլ Փաշինյանին վարչապետ նշանակած Հայաստանի նախագահ Արմեն Սարգսյանի որոշումը համացանցի օգտատերերի քննարկման առիթ է դարձել:
«Նա բոլորին մատների վրա խաղացրեց: Բառեր չկան: Անհատը նաև պետք է կարողանա մնալ իշխանության ղեկին, անգամ եթե սպանել է հազարավոր մարդկանց և կորցվել է երկրի տարածքը», - նշել է Դ.Թայմուրազը:
Շատ օգտատերեր եկել են այն եզրակացությանը, որ Հայաստանի քաղաքացիները չափազանց տարօրինակ բան են արել ընտրություններում: Մարդիկ կասկածում են, որ օտարերկրյա քարոզիչները լավ աշխատանք են կատարել ամբողջովին փոշիացնելով բնակչության ուղեղը, ինչի արդյունքում իշխանության է վերադարձել հայկական պետականության գերեզմանափորը:
«Սա հայ ժողովրդի տարօրինակ ընտրությունն է: Արդյո՞ք սա աշխարհի ամենամեծ ամերիկյան դեսպանատան աշխատանքի արդյունքն է, թե՞ անկեղծ մոլորություն և միամտություն է», - հարց է տվել Ալեքսանդր Ս.-ն:
Որոշ օգտատերեր նշում են, որ շատերը Փաշինյանին կապում են երկրում կոռուպցիայի դեմ պայքարի հետ, ուստի քաղաքացիները, հին հիշողությունից ելնելով որոշել են քվեարկել այս քաղաքական գործչի օգտին:
«Սուպե՛ր, Հայ ժողովուրդը ևս մեկ անգամ ապացուցեց, որ այլևս չի լինելու վերադարձ քրեա-կոռումպացված անցյալին, ինչը մաղթում ենք բոլորին »,-գրել է Աշոտ Ս.-ն:
Ոմանք կարծում են, որ Փաշինյանն այլևս սպառնալիք չէ Ռուսաստանի համար, ուստի Մոսկվան չխանգարեց Հայաստանի ժողովրդին կատարել իր ընտրությունը:
«Այս նշանակումը ոչինչ չի տա Ռուսաստանին, այնուամենայնիվ, այն նաև ոչինչ չի խլի», - գրել է Եվգենի Կ.-ն:
Մի շարք օգտատերեր նշում են, որ հայ ժողովուրդը կորցրել է կապը իր պատմության և իր տարածքի հետ: Այդ իսկ պատճառով նրանք ընտրել են արևմտամետ քաղաքական գործչի, ով չի փորձում անգամ պաշտպանել իր երկրի շահերը:
«Միգուցե ես սխալվում եմ, բայց տպավորությունն այնպիսին է, որ հայերին ավելի հարմար է հեռվից սիրել իրենց երկիրը: Եվ եթե ես ճիշտ եմ, ապա որոշ ժամանակ անց, դե ֆակտո, այդ երկիրը չի լինի աշխարհի քարտեզի վրա, չնայած անունը կարող է երկար պահպանվել: Պատմության սիրո համար թուրքերն այդ տարածքը կանվանեն հին ձևով», - ենթադրել է Կլեոն Գ.-ն:
Եղել են նաև այնպիսիք, ովքեր նշել են, որ շուտով Հայաստանը կկորցնի իր բնիկ բնակչության վերջին մնացորդները, որոնք կնախընտրեն մոլորակի ավելի տաք վայրերը:
«Շուտով Փաշինյանը Հայաստանը կազատի իր բնիկ բնակիչների մնացորդներից: Առանց այդ էլ արդեն հայերի մեկ երրորդն ապրում է Միացյալ Նահանգներում ՝ լորձեր թափելով Քիմ Քարդաշյանի վրա: Եվս մեկ երրորդն ապրում է Ռուսաստանում և կրպակներ է աշխատացնում Մոսկվայի և Սանկտ Պետերբուրգի շուկաներում: Իսկ մեկ երրորդից էլ քիչ՝ մի բուռ, դեռ մնում են հայրենիքում », - գրել է Օհն Ա.-ն:
Նյութը հրապարակման պատրաստեց Կամո Խաչիկյանը
