Փորձագետը հայտարարել է Հայաստանի և Ադրբեջանի միջև ռազմական բախումների դադարեցման անհնարինության մասին
ՀԱՍԱՐԱԿՈՒԹՅՈՒՆ
lenta.ru-ն գրում է, որ Հայաստանի և Ադրբեջանի միջև պարբերական բախումներն ու սահմանային փոխհրաձգությունները հնարավոր չէ դադարեցնել խաղաղապահ մեխանիզմների միջոցով: Այս մասին «360» հեռուստաալիքին տված հարցազրույցում հայտարարել է ռազմական փորձագետ, լրագրող Վիկտոր Բարանեցը:
Ըստ նրա, Երևանի, Բաքվի և Մոսկվայի միջև եռակողմ հայտարարության ստորագրումից հետո շատ մարդիկ են մնացել, ովքեր արդար չեն համարում Լեռնային Ղարաբաղի պատերազմի արդյունքները: Նա ընդգծել է, որ նման անձինք, այդ թվում՝ բազմաթիվ զինվորականներ, հարցի լուծումը լիարժեք չեն համարում, և, հետևաբար, ամեն կերպ կխոչընդոտեն դրա կարգավորմանը: «Մոսկվան կտրականապես պնդում է, որ ցանկացած վեճ պետք է լուծվի խաղաղապահ մեխանիզմների միջոցով: Հայաստանում և Ադրբեջանում այս իրավիճակն ընկալվում է յուրովի, ուստի նման հակամարտությունները չեն մարվում: Նրանք եռացող բնույթ ունեն», - ասել է Բարանցը:
Մայիսի սկզբին Հայաստանը մեղադրել է Ադրբեջանին սահմանների հստակեցման պատրվակով Սյունիքի և Գեղարքունիքի մարզեր խորանալու փորձեր կատարելու մեջ: Այդ կապակցությամբ վարչապետի պաշտոնակատար Նիկոլ Փաշինյանը դիմել է ՀԱՊԿ նախագահին խնդրելով դադարեցնել հակառակորդի գործողությունները, ինչպես նաև երկու երկրների սահմանին տեղակայել ռուս խաղաղապահներ:
Հուլիսի 28 -ին հայտնի է դարձել, որ ադրբեջանական ստորաբաժանումները կրկին մտել են Վարդենիսի տարածաշրջանի հայկական տարածք և հարձակվել առնվազն երկու հենակետերի վրա: Ռուս ռազմական լրագրող, WarGonzo նախագծի հիմնադիր Սեմյոն Պեգովը համեմատել է այդ գործողությունները Դոնբասում Կիևի 2015 թվականի ռազմավարության հետ, որը ստացել է «սողացող ներխուժում» անվանումը:
Նյութը հրապարակման պատրաստեց Կամո Խաչիկյանը
