Վնասները Ռուսաստանին, յուղը իրենց, իսկ սերուցքը Արևմուտքին. Փաշինյանի կադրային քաղաքականությունը

eadaily.com-ը գրում է, որ Հայաստանի կառավարության ռազմական և տնտեսական հատվածները ստիպված կլինեն ավելի սերտ համագործակցել Ռուսաստանի հետ, իսկ Արտաքին գործերի և ֆինանսական հատվածները ավելի ակտիվ աշխատել Արևմուտքի հետ: Այդ մասին ասել է ԵԱՏՄ ինստիտուտի տնօրեն Վլադիմիր Լեպեխինը՝ մեկնաբանելով Հայաստանի Անվտանգության խորհրդի նախկին քարտուղար Արմեն Գրիգորյանի Արտաքին գործերի նախարարի տեղակալ նշանակումը:

Ըստ նրա՝ Արմեն Գրիգորյանին նշանակելով Հայաստանի փոխարտգործնախարարի պաշտոնում, Նիկոլ Փաշինյանը ձգտում է պարզեցնել իր բազմաուղղվածության քաղաքականությունը:

«Ուստի Գրիգորյանը, որպես Սորոսի բացահայտ անդամ, ուժային հատվածից տեղափոխվել է արտաքին քաղաքականություն», - կարծիք է հայտնել ռուս փորձագետը:

Հաշվի առնելով Արմեն Գրիգորյանի հակառուսական անցյալը և այն փաստը, որ մինչ 2018 թվականի «թավշյա հեղափոխությունը»՝ Գրիգորյանը հակառուսական և հակապուտինյան հայտարարություններ էր անում, ապա արդյո՞ք այդ նշանակումը պետք է ընկալել որպես Հայաստանը Ռուսաստանից հետագայում պոկելու ցանկություն:  Լեպեխինի խոսքով՝ Հայաստանը չի բաժանվում Ռուսաստանից, Երևանը պարզապես ձգտում է Ռուսաստանի հետ ավելի պրագմատիկ վերաբերվել, այսինքն «հնարավորինս քամել Ռուսաստանից նախ ռազմական իմաստով, ապա տնտեսության հիմնական ոլորտների ուղղությամբ»:

«Քաղաքական, գաղափարական, մշակութային առումով, այո՛. Փաշինյանի կառավարությունը գնալով ավելի ու ավելի է ընկնելու գլոբալիզմի ծուղակները: Այսինքն հեռանալու է ոչ միայն Ռուսաստանից, այլ նաև հայկական իսկական շահերից: Փաստորեն, Հայաստանում այս տարվա աշնանից սկսել է ձևավորվել երկհատվածային տնտեսություն. Ռուսաստանը կփակի Հայաստանի տնտեսության բազմաթիվ կորուստները (գազի և այլ հումքի արտոնյալ ներկրում, վարկեր, սարքավորումներ, ատոմակայան, հայ գյուղատնտեսական արտադրողի աջակցություն առավելագույն հեշտացնելով հայկական ապրանքների վաճառքը ռուսական շուկայում, սպառազինության, զենքի մատակարարում, տրանսպորտային ոլորտում ներդրումային նախագծերի և այլն), իսկ Հայաստանի իշխող դասը կերակրվելու է Արևմուտքի աջակցությամբ, որն էլ իր հերթին կվերցնի Հայաստանի տնտեսության սերուցքը», - ամփոփել է ռուս քաղաքագետն իր խոսքը:

Նյութը հրապարակման պատրաստեց Կամո Խաչիկյանը

www.1or.am