Ադրբեջանը շարունակում է իր ագրեսիվ քաղաքականությունը
ՔԱՂԱՔԱԿԱՆՈՒԹՅՈՒՆ
Ալիևի երեկ հայտարարել է, որ Հայաստանը պատրաստ չէ խաղաղության պայմանագիր ստորագրելու, թեև ընտրություններից առաջ հայտարարում էր, որ ընտրություններից հետո դա տեղի կունենա:
Այս թեմայով զրուցել ենք թուրքագետ Ռուբեն Սաֆրաստյանի հետ։
Հարցին, թե նման հայտարարությունների տակ կա՞ն ռազմական գործողությունների վերսկսման վտանգներ թուրքագետը պատասխանել է․ «Ակնհայտ է, որ վտանգներ կան։ Ինչպես հռետորաբանությունն է վկայում, այնպես էլ անընդհատ տեղի ունեցող զորավարժությունները, Թուրքիայի հետ ռազմական համագործակցությունն ավելի ընդլայնելու և խորացնելու որոշումները, այն, որ որոշում է ընդունվում Ադրբեջանում բանակի թվաքանակն ավելացնելու, նոր զենքերով համալրելու մասին։ Ադրբեջանը շարունակում է իր ագրեսիվ քաղաքականությունը մեր տարածաշրջանում և այդ ագրեսիվության թիրախը տեղափոխում է Հայաստանի ուղղությամբ։ Ամեն ինչ վկայում է այն մասին, որ ինչպես իրական գործողությունների, այնպես էլ հռետորաբանության մակարդակով Ադրբեջանը պատրաստվում է նոր պատերազմի»։
Հարցին, թե արդյոք այդ հայտարարությունը ներքին սպառման համար են, քանի որ Ադրբեջանում չեն դադարում բողոքի ակցիաները` քաղաքագետը պատասխանել է․ « Ես չեմ կարծում, որ սա ներքին սպառման համար է, կարծում եմ, ընդհակառակը, սա ուղղված է արտաքին աշխարհին, հռետորաբանության մակարդակով տեղի է ունենում նոր և ագրեսիվ պատերազմի նախապատրաստում Ադրբեջանի կողմից ՀՀ-ի դեմ, որի թիրախը պետք է լինի Սյունիքը։ Ինչ վերաբերում է ակցիաներին, ես Ադրբեջանի ներքին քաղաքականության մասնագետ չեմ, ես առաջին հերթին գնահատում եմ որպես Ադրբեջանի արտաքին քաղաքականության անբաժանելի մաս»։
Սոնա Գիշյան
