Ծանոթ ու միաժամանակ անհայտ` ավտոմեքենա Պորշե 911
ՀԱՍԱՐԱԿՈՒԹՅՈՒՆ
Հայտնի Porsche ավտոընկերության եզակի ավտոմեքենաներից մեկը լեգենդար Porsche 911 մոդելն է:
Porsche ավտոարտադրողի խնդիրն էր ստեղծել մեքենա, որը սիրված կլիներ գրեթե 50 տարի: Եվ դա տեղի է ունեցել, կարելի է ասել, պատահականորեն: 911 առաջին մոդելը թողարկվել է Porsche 356 հնացած տարբերակը փոխարինելու համար: Այն ավելի հարմարավետ է դարձվել արագընթաց մեքենա վարելու համար: Porsche 911-ի պատմությունը սկսվել է 1963 թվականից: Հենց այդ ժամանակ այն հանրությանն է ներկայացվել Ֆրանկֆուրտի ավտոսրահում, իր մշակող Ֆերդինանդ Պորշե կրտսերի կողմից: Դա նախնական արտադրության օրինակ է եղել: Շուկայական մասշտաբով այդ ավտոմեքենաները սկսել են արտադրվել մեկ տարի անց, որից հետ Փարիզում է ներկայացվել Porsche 911-ը:
Ի սկզբանե, 911-ը պարզապես մեկ այլ ստանդարտ համար է եղել, որով անվանվել են բոլոր հերթական մոդելները: Բայց այս մեքենայի շուկայական հաջողությունների շնորհիվ որոշվել է այս մոդելի համար բացառություն անել և թողնել թվային համարը: Դա Porche ապրանքանիշի պատմության մեջ տեղի է ունեցել մեկ անգամ:
Porche 911-ի առաջին տարբերակը դադարել են արտադրել միայն 1974 թվականին: Իր գոյության ընթացքում այն ունեցել է շուրջ 8 տարբեր փոփոխություններ և թարմացումներ: Իսկ արդեն 1974 թվականից մինչև 1985 թվականը սկսվել են արտադրվել այս ապրանքանիշի երկրորդ սերնդի մեքենաները, սակայն արդեն այլ սերիական համարով՝ 930: Չնայած Porsche ընկերությունը հերքում է, բայց հասարակական կարծիքով 911-ը և 930-ը մեկ սերնդի ավտոմեքենաներ են :
Porsche-ի նորացված ավտոմեքենաների զարգացման պատմության մեջ նոր ժամանակաշրջան սկսվել 1990 թվականից հետո, երբ հոսքագծից դուրս է եկել վերջին դասական մոդելը: Փոփոխված Porsche 911 Carrera S-ը աշխարհին է ներկայացվել 2011 թվականին: Քննադատների կարծիքով՝ մեքենան դարձել է ավելի ֆոտոգենիկ: Ամենայն հավանականությամբ, այն պատճառով, որ նոր մոդելում դիմապակու թեքության անկյունը կրճատվել է, գումարած տանիքը երկարացվել է: Ընդհանուր առմամբ, Porsche-ի ներկայիս բոլոր մոդելները նորարարական են: Փոփոխությունները տեղի են ունեցել ինչպես արտաքին, այնպես էլ ներքին հարդարանքում: Օրինակ ավելի էլեգանտ լուսարձակներ են տեղադրվել, առջևի նստատեղերն այժմ ունեն 9 հարմարավետության պարամետրեր ուղևորների համար: Այնուամենայնիվ նայելով Porsche 911 Carrera S- ին կարելի է տեսնել որոշ նմանություններ առաջին դասկանա մոդելի հետ: Porsche 911 Carrera S- ն ունի 3.8 լիտրանոց վեց գլան շարժիչ 400 ձիաուժ հզորությամբ և յոթ արագությամբ մեխանիկական փոխանցումատուփ: Մեքենայի նոր տարբերակների վրա անիվների շառավիղը հասցվել է 20 դյույմի: Բացի այդ, մեքենան վառելիքի խնայողության և վարելու հարմարավետությունը բարձրացնելու համար հագեցած է ղեկի ZF էլեկտրամեխանիկական ուժեղացուցիչով:
Նյութը հրապարակման պատրաստեց Կամո Խաչիկյանը
