Նոր վարչապետին շատ մեծ «բալետ» եմ անում. Լավանդայի Արայիկ

Գործարար, նախկին ՕԵԿ-ական Արայիկ Հայրապետյանը (Լավանդայի Արայիկ) դեռևս չի կողմնորոշվել, թե ինչ ձևով է մասնակցություն ունենալու 2017 թ ԱԺ ընտրություններին, բայց բազմաթիվ կուսակցություններից առաջարկներ են եղել միանալու և մասնակցելու խորհրդարանական ընտրություններին.

«Աժ ընտրություններին մասնակցելը կախված է ձևավորվող դաշինքներից և մեր ծրագրերից: Առաջարկներ շատ կան, դեռևս մտածում ենք, բայց մնաց Նոր տարուց հետո, ես ոչ մեկին ոչ մի ձև չեմ պատասխանել»: -Այսօր հայտնի դարձավ, որ 7000 հոգի անդամակցելու են «Հանրապետական» կուսակցությանը, դուք նպատակ ունե՞ք ինչ-որ կուսակցության հարելու: Դեռևս` ոչ

-Վարչապետ Կարեն Կարապետյանը հայտարարեց, որ անդամակցելու է ՀՀԿ-ին, սրա վերաբերյալ ի՞նչ կարծիք ունեք:

Դա իր անձնական կարծիքն է, և այո, ցանկացած վարչապետ պետք ա անդամակցի էն կուսակցությանը, որն իրեն սատար է կանգնում ու դա նորմալ եմ համարում: Նոր վարչապետին շատ մեծ «բալետ» եմ անում, ես հավատում եմ, որ ինքն ինչ ասում ա, պետք ա անի, ես հավատում եմ, որ շատ կարճ ժամանակում լավ ա լինելու:

-Պարոն Հայրապետյան, հանրության մեծ մասը վարչապետի ՀՀԿ-ական դառնալը բացասական ընդունեց:

Բացարձակ համամիտ չեմ, որովհետև ինքը պետք ա անդամակցեր, չի կարա վարչապետը, էն ուժը, էն կուսակցությունը, որն իրեն սատար ա կանգնում ինքը իրանց անդամը չլինի, կարող ա նախարարները չլինեն, բայց ինքը պետք ա լիներ ու դա նորմալ եմ ընդունում:

-Իսկ ի՞նչ կարծիք ունեք վերջերս ԱԺ-ում ընդունված ամսական աշխատավարձից 1000 դրամ բանակին փոխանցելու նախագծի մասին:

Ես ծրագրին կողմնակից եմ, ուղղակի այդ ծրագիրը պետք է դասակարգվեր՝ ըստ աշխատավարձերի, սոցիալական վիճակի, համատարած բոլորին հարմար չէր, օրինակ՝ 150 հազար դրամ և ավելի ստացողը պարտադիր պետք ա տա և ավելի շատ, քան 1000 դրամը: Ես էն կարծիքին եմ, որ հայ ազգի մեջ չկա նենց մարդ, որը կարա այդ գումարները ծախսի, ուղղակի պետք է անկախ հանձնաժողով ստեղծել, որ այդ գումարներին մշտական հետևի:

-Նախկին ձեր կուսակցության, այժմ՝ «Հայկական Վերածնունդ»-ի կողմից առաջարկ եղե՞լ է:

Ոչ, ոչ, ոչ:

-Եթե լինի առաջարկ, կընդունե՞ք նրանց առաջարկը:

Ես կարծում եմ, որ ամեն մարդ գետը մի անգամ ա մտնում:

Աննա Պապիկյան

Նյութի աղբյուրը ` hraparak.am