ԱՄԵՆԱՍԿԱՆԴԱԼԱՅԻՆ ԲԱՑԱՀԱՅՏՈՒՄԸ,,,Հայ պաշտոնյաների մականուններն ու դրանց նշանակությունը
ՀԱՍԱՐԱԿՈՒԹՅՈՒՆ
Գաղտնիք չէ, որ Հայաստանում պաշտոնյաներն անկախ իրենց կամքից վաստակում են մականուններ, որոնք, իհարկե ունենում են իրենց ծագման աղբյուրները:
Սյունիքի նախկին մարզպետ՝ Սուրիկ Խաչատրյան կամ Լիսկա- նախկին մարզպետը դեռ 9-10 տարեկանից է ստացել իր մականունը, այն եղել է ոչ թե՝ Լիսկա, ինչպես շատերն են ասում, այլ ՝ Լիցգա: Սկզբում շրջանառվում էր այն մասին, որ նա բենզինի մանրածախ առևտրով է զբաղվել և բենզին լցնելու համար է ստացել մականունը, իբրև թե` լից գա, սակայն մարզպետը մի օր խոստովանել է, որ նրան լիցգա ասել է մի տարեց մարդ, քանի որ երեխա հասակում շատ աշխույժ է եղել, ի նկատի ունենալով՝ լիցքավորված է և լիցք կա:
Այնուամենայնիվ սյունեցիները շարունակում են պնդել, որ Սուրիկ Խաչատրյանը ստում է: Նրանք պատմում են, որ Դեռ 16-ը չբոլորած՝ Սուրիկ Խաչատրյանը թալանում է դպրոցի բուֆետը, ինչի համար ձերբակալվում և պատիժը կրում է անչափահասների գաղութում: Կալանավայրում էլ վաստակել է Լիսկա (ամենախորամանկ աղվես) մականունը:
ԱԺ պատգամավոր Սամվել Ալեքսանյան կամ լֆիկ Սամո- Նա Հայաստանի խոշոր բիզնեսմեններից է, բայց դրան հասել է ժամանակին կրծքկալ վաճառելով:
Պատգամավորը, ի տարբերություն մյուսների՝ նեղսրտում է իր մականունից և հաճախ կոպտում է այն մարդկանց, ովքեր իրեն մականունով են դիմում: Ինչևէ, նա մականունավոր է, բայց միևնույն ժամանակ օլիգարխ, նրան է պատկանում սնկի պես աճող Երևան-Սիթի սուպերմարկետների ցանցը:
ՀՀ նախկին վարչապետ Հովիկ Աբրահամյան - «Մուկ»։Նա այնքան էլ չի ամաչում իր մականվանից: Մի առիթով նա անկեղծացել և պատմել է, որ «Մուկ» մականունը ստացելի տատից։ Նրա խոսքով, իրեն այդպես անվանել է տատիկը, երբ փոքրիկ Հովհաննեսը թաքուն գողանում էր տատի պահած կոնֆետները։
ՀՀԿ-ական, փոքր ինչ սնանկացած Աշոտ Աղաբաբյան- կամ նույն ինքը՝ Բուռնաշ, պատգամավորը պատմել է, որ մականունը ստացել է արցախյան պատերազմի տարիներին, նրան այդպես է անվանել մարտական ընկերներից մեկը, քանի որ այդ տարիներին նա նման է եղել Անորսալի վրիժառուները ֆիլմի Բուռնաշին մարմնավորող դերասանին:
ՀՀԿ-ական, իր վարքով չփայլող, տեղի անտեղի հայհոյող ու բռնաբարող Առաքել Մովսիսյան- Շմայս, մականունը ստացել է պատերազմի տարիներին, նա միակ մարդն է եղել, ով ունեցել է գերմանական արտադրության Շմայսեր տեսակի ինքնաձիգ:
ՀՀԿ-ական Մհեր Սեդրակյան- նա հայտնի է Թոխմախի Մհեր մականվամբ, Թոխմախ կոչվող թաղամասից է, այդ պատճառով էլ նման մականուն է վաստակել:
ՀՀԿ-ական Համլետ Հարությունյան կամ ինչպես ասում են՝ Բառադի Համո, ըստ տեղեկությունների նա նման մականուն է ստացել իր բառանդի պահվածքի համար:
Սա հանրապետականների այն պատառիկներն են, ովքեր այս կամ այն պատճառով են ստացել իրենց մականունները: Ստորև ներկայացնում ենք բիզնես մականուն ստացած պատգամավորներից մի քանիսին:
ՀՀԿ-ական, ոչնչով աչքի չընկնող պատգամավոր, Հայաստանում խոշոր սուպերմարկետներից մեկի սեփականատեր՝ Արտակ Սարգսյան կամ շատերին հայտնի՝ SAS-ի Արտակ: Պատգամավորին կոչում են իր սուպերմարկետի անվամբ:
Աշոտ Արսենյան-իսկ առավել հայտնի մականվամբ՝ Ջերմուկի Աշոտ, նրան է պատկանում Ջերմուկ գրուպ ընկերությունը, նա խոշոր և լուրջ բիզնեսներով է զբաղվում:
Ալիկ Պետրոսյան- շատերին հայտնի է ՄԱՊ-ի Ալիկ մականունով,նրան է պատկանում ՄԱՊ-ի գինու, կոնյակի և պահածոների գործարանները: Պատգամավորը սկզբում եղել է ՕԵԿ-ական, սակայն հետագայում անդամակցել է ՀՀԿ-ին:
Մանվել Բադեյան- կամ Եվրոստանի Մանվել- նրա է պատկանում Եվրոստան Ույուտ ընկերությունը, որի հիմնադիրը եղել է հենց պատգամավորը
Հանրապետականները Հակոբ-ներով հարուստ են, ոչ միայն անուններով, այլև ազգանուններով:
Նրանց մեկը ՝ Կիլիկիայի կամ Պիվի Հակոբն է, քանի որ նրան է պատկանում Կիլիկա գարեջրի գործարանը։
Մյուսը՝ Արփա-Սևան ԲԲԸ-ի սեփականատերն է, երկար տարիներ զբաղվել է թունելագործությամբ, ստանալով՝ Թունելի Հակոբ մականունը:
Շատերը գիտեն, որ հայ պաշտոնյաները միմյանց հենց խնամի բարեկամ դառնալ սիրում են, այդպիսով և՛ երեխաներն են երջանիկ լինում, և՛ բիզնեսներն են ծաղկում:
Պատգամավորներից մեկի մականունն այդպես էլ մնաց՝ խնամի բանն այն է, որ նա՝ Վոլոդյա Բադալյանը ՀՀ երկորդ նախագահ Ռոբերտ Քոչարյանի խնամին է, ում այդպես էլ, մինչ այժմ կոչում են խնամի Վալոդ:
Պատգամավոր Արայիկ Գրիգորյան կամ պարզապես Ավշարի Արայիկ, նա նման մականուն է ստացել, քանի որ իրեն է պատկանում Ավշարի գինու և կոնյակի գործարանը:
ԲՀԿ-ական Ռուբեն Գևորգյան կամ Ծաղիկ Ռուբո, ըստ իրեն՝ մականունը ստացել է նրա համար, քանի որ իր բոլոր բանաստեղծություններում մտքերն ու խոհերն արտահայտել է ծաղկի միջոցով:
Պատգամավոր Կարո Կարապետյան կամ Յուվեցի Կարո, նա իր մականունը ստացել է հայրենի մարզից: Նա ծնվել է Արարատի մարզի Շահումյան համայքնում, որը նախկինում կոչվել է Յուվա:
Հարություն Ղարագյոզյան կամ Կարամելի Հարութ, նա տարիներ առաջ ղեկավարել է հրուշակեղենի գործարան, որտեղ կարամել է արտադրվել: Այդտեղից էլ ստացել է մականունը:
Գրիգորի Մարգարյան կամ Բելաջոյի Գրիշ, մականունը ստացել է հայտնի «Բելաջիո» ռեստորանային համալիրից, սակայն այս պատգամավորի ունեցվածքն ամենևին էլ այդ ռեստորանով չի սահմանափակվում:
Արշակ Մխիթարյան, այս պատգամավորը տարիներ ի վեր Ազգային ժողովում է, սակայն կոճակ սեղմելուց և միջանցքներում քայլելուց բացի ոչինիչ չի արել, փոխարենը վաստակել է՝ Բրիլիանտի Արշակ մականունը, քանի որ ոսկու և ադամանդի լուրջ բիզնես ունի:
Մելիք Մանուկյան կամ պարզապես Շշի Մելո, ոչնչով աչքի չընկնող այս պատգամավորը Սարանիստե ընկերության սեփականատերն է, որը զբաղվում է շշերի արտադրմամբ:
ԲՀԿ-ական Աբրահամ Մանուկյան՝ Հայկոբի Աբո, պատգամավորը իր բիզնեսը սկսել է կոշկակարությունից: Այս խոշոր գործարարն իր կարիերան սկսել է կոշկակարությունից, իսկ 1991-2003 թթ. եղել է Հայկոոպի Երևանի միջշրջանային ունիվերսալ մանրամեծածախ բազայի փոխտնօրենը, հետո տնօրենը, ապա` գլխավոր տնօրենը: Մականունն էլ գալիս է այդտեղից:
