«Այս փուլին մարզից ներկայացվել էր մասնակցության 186 հայտ։ Թիմերից 42-ը հնարավորություն ստացան ներկայացնելու իրենց աշխատանքներն ապրիլի 3-ին, իսկ 23 աշակերտ տեղում մասնակցեց «Կրիայ օլիմպիադա» մրցույթին», - նշեց «Արմաթ» ծրագրի ղեկավար Սեդրակ Վարդանյանը։

8 անվանակարգերում հաղթողներ ճանաչվեցին՝

• «Լավագույն խաղ» անվանակարգ - մինչև 13 տարեկան տարիքային խմբում հաղթող է ճանաչվել Քնար Վարդանյանը «Shashki-final» նախագծով (Ղուրսալու միջնակարգ դպրոց),
• «Լավագույն խաղ» անվանակարգ -  13 տարեկանից բարձր տարիքային խմբում հաղթող է ճանաչվել է Արթուր Ղազարյանը «Ռետինե խաղալիք» նախագծով (Վանաձորի թիվ 24 հիմնական դպրոց),
• «Լավագույն ինտերակտիվ անիմացիա» անվանակարգ - մինչև 13 տարեկան տարիքային խմբում հաղթող են ճանաչվել Արամե Դունամալյանն ու Հովհաննես Կարապետյանը «Սովորենք միասին» նախագծով (Շենավանի միջնակարգ դպրոց),
• «Լավագույն ինտերակտիվ անիմացիա» անվանակարգ - 13 տարեկանից բարձր տարիքային խմբում հաղթող է ճանաչվել է Տաթևիկ Իսրայելյանը «Փշփշիկ ոզնի» նախագծով (Ախթալայի թիվ 1 միջնակարգ դպրոց),
• «Լավագույն գծագրություն և դիզայն» անվանակարգ - հաղթող է ճանաչվել է Արմաիդա Հովակիմյանը «Գարուն» նախագծով (Վանաձորի թիվ 2 հիմնական դպրոց),
• «Python ծրագրով սարքերի ինտեգրում» անվանակարգ -  հաղթող են ճանաչվել Արեն Աբրահամյանն ու Աշոտ Մովսիսյանը «Weather» նախագծով (Վանաձորի թիվ 5 ավագ դպրոց)։

• «Լավագույն ալգորիթմական լուծում» օլիմպիադա - մինչև 13 տարեկան տարիքային խմբում հաղթող է ճանաչվել Բորիկ Գրիգորյանը  (Վանաձորի թիվ 5 ավագ դպրոց), 
• «Լավագույն ալգորիթմական լուծում» օլիմպիադա - 13 տարեկանից բարձր տարիքային խմբում հաղթող են ճանաչվել Վահե Զալինյանը և Հովիկ Մարտիրոսյանը (Վանաձորի թիվ 2 դպրոց)։

Ժյուրիի կազմում ընդգրկված էին Հայաստանի ամերիկյան համալսարանի ներկայացուցիչ Սաթենիկ Մնացականյանը, «Ինստիգեյթ» ընկերության տնօրեն Արման Պողոսյանը, Վանաձորի «Իստիգեյթ մոբայլ» ընկերության ներկայացուցիչ Նանե Համբարձումյանը, ԱՏՁՄ ներկայացուցիչներ Սեդրակ Վարդանյանը և Ավագ Սայան։

«Մարզային, հանրապետական և նույնիսկ շրջանային մրցույթները «Արմաթի» կայացման ամենակարևոր հիմնասյուներից են: Այս ձևաչափերում է, որ արմաթցիները կարողանում են իրական համեմատության մեջ տեսնել տարվա ընթացքում իրենց կատարած աշխատանքների առավելությունները, սովորել այլ արմաթցիների առաջարկած լուծումներից, լսել ժյուրիի անդամների խորհուրդներն ու շարունակել բարելավել իրենց հմտությունները: Մեզ համար, որպես ժյուրիի անդամներ, անչափ ոգևորիչ է տարեցտարի հղկվող և հարուստ բովանդակություն ստացող աշխատանքների ներկայացմանն ականատես լինելը», - նշեց ժյուրիի անդամ Սաթենիկ Մնացականյանը։

Մարզային փուլերի հաղթողները հնարավորություն կստանան մասնակցելու մայիսին կայանալիք «DigiCode 2021» հանրապետական մրցույթին, որի շրջանակներում ՀՀ բոլոր մարզերի դպրոցականները կներկայացնեն իրենց ստեղծած ծրագրերը և լավագույնները կարժանանան մրցանակների։ «DigiCode 2021» մրցույթի հանրապետական փուլը տեղի կունենա մայիսի 8-ին։ Հայտերի ընդունման վերջնաժամկետն է ապրիլի 23-ը։ Մանրամասներին կարող եք ծանոթանալ «Արմաթ» ԻԼ պաշտոնական կայքում։

Կազմակերպիչ՝ Առաջատար տեխնոլոգիաների ձեռնարկությունների միություն (UATE), գլխավոր հովանավոր՝ VXSoft ընկերություն, գործընկերներ՝ Վանաձորի տեխնոլոգիական կենտրոն (VTC), Ձեռնարկությունների ինկուբատոր հիմնադրամ (EIF), Լոռու մարզպետարան։