6 մթերք, որոնք կարող են պահպանել Ձեր տեսողությունը
ՀԱՍԱՐԱԿՈՒԹՅՈՒՆ
Գոյություն ունեն մեր աչքերը պաշտպանելու բազմաթիվ միջոցներ․ծխելուց հրաժարվել, համակարգչի դիմաց քիչ ժամանակ անցկացնել․ սրանք տեսողությունը պահպանելու ամենաակնհայտ միջոցներն են։ Եվ կարևոր է նաև համոզվել, որ կրում եք ճիշտ արևային ակնոցներ։ Բացի այդ տեսողության համար օգտակար է նաև Ձեր ճիշտ սննդակարգը։ Ավելի ճիշտ այն կարող է այդպիսին լինել, եթե Դուք ավելի շատ ուտեք համապատասխան մթերքներից։
Ձվի դեղնուց
Ձվի դեղնուցը լյուտեինի հիմնական աղբյուրն է։ Ցինկի համադրությամբ, որը նույնպես առկա է ձվի դեղնուցի մեջ, այն կարող է օգնել մակուլյար դեգեներացիայի դեմ պայքարում։ Իսկ այդ մակուլյար դեգեներացիան 65 տարեկանների շրջանում տեսողության կորստի հիմնական պատճառն է։ Ի՞նչ ձևով ուտել դեղնուցը։ ̶Օ̶մ̶լ̶ե̶թ̶ Հում ! Եթե Դուք չեք կարող ուտել դեղնուցը հում վիճակում, ապա մի անհանգստացեք։ Լյուտեինը մեծ քանակությամբ առկա է նաև կանաչեղենի մեջ։
Սպանախ և տարբեր տեսակի կանաչեղեն
Ինչ էլ, որ դուք անեք, մի մոռացեք կանաչեղեն ուտելու մասին։ Առավել օգտակար են Սպանախը, կաղամբը, շաղգամը, որոնք պարունակում են այնպիսի նյութեր, որոնք կրճատում են աչքերի խրոնիկական հիվանդության ռիսկը։
Խառը կանաչին լավ տարբերակ է հակաօքսիդանտներ ստանալու համար, իսկ հակաօքսիդանտները շատ են անհրաժեշտ Ձեր աչքերի համար։ Շատ օգտակար է կանաչին պատրաստել մեծ քանակությամբ ձիթապտղի կամ կոկոսի յուղով։
Սաղմոն (Ласось) և յուղոտ ձկան այլ տեսակներ
Սաղմոնը, սկումբրիան, տունեցը, անչոուսը ոչ միայն համեղ են, այլ նաև օգտակար։ Դրանք հարուստ են օմեգա 3-ով, որը պարունակում է մեր աչքերի ցանցաթաղանթում։ Օմեգա 3-ը կարևոր դեր է խաղում «չոր աչքի» սինդրոմի կանխարգելման գործում։ Յուղոտ ձկան 2-4 չափաբաժինը պետք է, որ բավարար լինի, որպեսզի նպաստի աչքի առողջությանը։
Հատապտուղներ և ցիտրուսային մրգեր
Հատապտուղները (հատկապես հապալասը) համարվում է մեր աչքերի համար ամենաօգտակար մթերքներից մեկը։ Այդ ամենը՝ շնորհիվ A,C և E վիտամինների և ցինկի։ A վիտամինը ուժեղ հակաօքսիդանտ է, որը կանխարգելում է աչքի բորբոքումը։ Վիտամին C-ն կանխարգելում է ներաչքային ճնշման բարձրացումը, որը վերահսկողության բացակայության դեպքում հնարավոր է մեծացնի գլաուկոմայի զարգացման հավանականությունը։ Վիտամին E-ն կարող է օգնել կանխարգելել կատարակտայի զարգացումը։
Գազար
Այո, գազարը և զազարագույն այլ մթերքները հրաշագործ չեն և չեն օգնի Ձեզ վերականգնել տեսողությունը։ Սակայն նրանք, անկասկած, կարող են լավացնել աչքի ընդհանուր վիճակը։
Նուշ
Նուշը և այլ ընկույզներ հարուստ են վիտամին E-ով։ Մի մերժեք Ձեզ համտեսել նուշը ամեն օր և կստանաք օրական նախատեսված E վիտամինի կեսը։
