Խնդիրներ, որոնց հետ առնչվում են կանանց 90%-ը. կարելի է արդյոք սեքսով զբաղվել կանդիդոզի (կաթնասնկախտ) դեպքում

Կանդիդոզը սնկային հիվանդություն է, որ հանդիպում է և մարդկանց և կենդանիների մոտ: Հեշտոցային կանդիդոզի դեպքում կնոջ մոտ առաջանում է այրոց, քոր ու դիսկոմֆորտի զգացողություն:

zdorovie.com-ը ներկայացրել է 5 գործոն, որոնք կպարզաբանեն այդ խնդր առկայությունը

1. Սեքսը կարող է ցավոտ լինել

Մասնագետները նշում են, որ կանդիդոզը կարող է առաջացնել հեշտոցային հյուսվածքների բորբոքում, գրգռվածություն ու քոր: Քանի որ այդ հատվածը աչքի է ընկնում իր բարձր զգայնությությամբ , ուստի սեքսը կարող ավելի է ուժեղացնել տհաճ ախտանշանները:

Հարկավոր է հաշվի առնել նաև ևս մեկ փաստ. կանդիդոզը խախտում է հեշտոցի քսուքի բնական արտազատման մակարդակը:

2. Կանդիդոզը վարակիչ է

Չնայած կանդիդոզը չի մտնում սեռական ճանապարհով փոխանցվող հիվանդությունների կազմի մեջ, այնուամենայնիվ այն կարող է սեքսի ժամանակ փոխանցվել զուգընկերջը: Վիճակագրության համաձայն, կանդիդոզով տառապող կանաց հետ ազատ սեքսից հետո տղամարդկանց 15%-ի մոտ առնանդամի վրա հայտնվում է ցան, որը առաջացնում է քոր:
Կանդիդոզի հաճախակի հայտնվելու դեպքում խորհուրդ է տրվում զուգընկերոջ հետ միասին դիմել բժշկի:

3. Կանդիդոզը կարող է երկարաձգվել

Քանի որ հեշտոցային հյուսվածքները գտնվում են բորբոքված վճակում, ապա սեքսը կարող է հյուսվածքների հավելյալ գրգռման հետևանքով դանդաղեցնել վերականգման ժամանակահատվածը: Մասնագետները նշում են, որ գոյություն ունեն նաև կանդիդոզի դեմ պայքարող քսուքներ, որոնք կարող են սեքսի ժամանակ մաքրվել, ավելին նման որոշ քսուքներն անգամ օժտված են պահպանակները քայքայող հատկություններով:
Այդ պատճառով, ցանկալի է քսուքների կամ հաբերի օգտագործման շրջանում, որոշ ժամանակով հրաժարվել սեքսից: Այդ միջոցները կարող են բուժել ինֆեկցիան 72 ժամվա ընթացքում:

4. Բարձրանում է սեռական ճանապարհով փոխանցվող հիվանդությունների ռիսկը

Չբուժված կանդիդոզը բարձրացնում է մի շարք ինֆեկցիաների, այդ թվում նաև սեռական ճանապարհով փոխանցվող ինֆեկցիաների առաջացման ռիսկը: Սեքսի ժամանակ հեշտոցային հյուսվածքների գրգռված մակերեսի վրա կարող են առաջանալ միկրոսկոպիկ ճաքեր, որոնց միջոցով բակտերիաներն ու վիրուսները շատ հեշտ կարող են թափանցել օրգանիզմ:

5. Կանդիդոզը կարող է նաև լինել սեռական ճանապարհով փոխանցվող թաքնված վարակ

Կանդիդոզի որոշ ախտանշաններ (քորը, այրոցն ու հեշտոցի արտադրությունը) կարող են լինել սեռական ճանապարհով փոխանցվող հիվանդությունների ախտանշան: Մասնագետները նշում են, որ նման դեպքերում հակասնկային դեղամիջոցներով ինքնաբուժումը կարող է քողարկել հիվանդության առաջացման հիմնական պատճառը: Այդ պատճառով, ամեն դեպքում, հարկավոր է խորհրդակցել բժշկի հետ:

Կանդիդոզը հանդիսանում է հեշտոցային ինֆեկցիայի առաջացման հնարավոր պատճառներից ընդամենը մեկը, ուստի չարժե զբաղվել կաթնասնկախտի ինքնաբուժությամբ, քանի որ հիվանդությունը կարող է ունենալ այլ բնույթ: