COVID-19-ի դեմ պրեպարատի կրկնակի գնանկումը
ՀԱՍԱՐԱԿՈՒԹՅՈՒՆ
Կորոնավիրուսի դեմ դեղամիջոցի՝ ֆավիպիրավիրի արժեքը երեք ամսվա ընթացքում նվազել է՝ 22 հազարից հասնելով 11 հազար ռուբլու, սակայն ռուսական ընտանիքի համար այն շարունակում է մնալ բավականին բարձր: Դաշնային հակամոնոպոլիական ծառայությունն (ԴՀԾ) ավելի վաղ մատակարարներից հետաքրքրվել է, թե որն է դրա գնի բարձր լինելու պատճառը: Եգոր Գուբերնատորովի և Արտյոմ Ֆիլիպյոնոկի հեղինակած հոդվածը վերցրել ենք ռուսական «РБК» կայքից:
Սեպտեմբերի վերջին ԴՀԾ-ն հետաքրքրվել է COVID-19-ի դեմ պրեպարատների գներով: Այն դեղագործական ընկերություններին հարցում է ուղարկել՝ կապված դեղատներում ստացված «Արեպլիվիր»-ի մեծածախ գնի հիմնավորվածության կապակցությամբ: «Պրոմոմեդ»-ի տնօրենների խորհրդի նախագահ Պյոտր Բելիյը հայտարարել է.
-Պրեպարատն արժե այնքան, որքան արժե և այն հանդիսանում է աշխարհում ամենաէժան կյանքեր փրկող պրեպարատը:
Առողջապահության ոլորտում վերահսկողության դաշնային ծառայությունը հաղորդել է, որ «շուկայում գների աստիճանական անկումը՝ մրցակցությունը հագեցնելու և ուժեղացնելու չափով, նորմալ երևույթ է հանդիսանում... Ներկայումս ընթանում է մի շարք դեղամիջոցների՝ այդ թվում նաև «Ֆավիպիրավիր»-ի կենսական անհրաժեշտության դեղանյութերի ցուցակում ներառելու գործընթացը, ինչից հետո կգրանցվեն գները: Այս կապակցությամբ մենք ակնկալում ենք գների հետագա իջեցում», - հայտնել է ծառայությունը:
Հնարավոր գնանկման մասին խոսել է նաև Ռուսաստանի ուղղակի ներդրումների հիմնադրամի տնօրեն Կիրիլ Դմիտրիևը: Ըստ նրա՝ «Ավիֆավիր»-ի գինը դեղատներում կկազմի մոտ 8 հազար ռուբլի:
«Фармвестник»-ի համաձայն՝ «Ֆավիպիրավիր»-ի գնանկման վրա կարող է ազդել «Glenmark» ընկերության հնդկական անալոգ «Ֆավիհելփ»-ի գրանցումը: Հնդկաստանում դեղամիջոցի արժեքն արդեն պետության կողմից գրանցված է. 40 հաբ ներառող փաթեթը կազմում է 3212 ռուբլի:
«Р-Фарм»-ի ղեկավար Ալեքսեյ Ռեպիկը հրատարակությանը հայտնել է, որ ընկերությունը ծրագրում է մինչև 2021 թվականի հունվարը «Ֆավիպիրավիր»-ի մեկ հաբի արժեքը իջեցնել` հասցնելով 100 ռուբլու:
Միևնույն ժամանակ, «Ֆավիպիրավիր»-ի վաճառքի հիմնական ուղին մնում են պետական գնումները: Ֆինանսավորման հիմնական միջոցը դարձել են տարածաշրջանային բյուջեները (244,2 մլն ռուբլի), բժշկական հաստատությունների սեփական միջոցները (239,2 մլն ռուբլի), «Նախագահի վարչակազմի կլինիկական հիվանդանոց» Դաշնային պետական բյուջետային հաստատության (ԴՊԲՀ) դաշնային կլինիկաները, ԴՊԲՀ-ի «Դաշնային բժշկական և կենսաբանական գործակալության թիվ 33 կլինիկական հիվանդանոցը և Պետական ինստիտուտի դաշնային կառավարական ինստիտուտ «Արտակարգ իրավիճակների նախարարության չափիչ սարքավորումների կենտրոնական բազան» (102,9 մլն ռուբլի), Պարտադիր բժշկական ապահովագրության (ՊԲԱ) ֆոնդը (35,6 մլն ռուբլի): Միևնույն ժամանակ, պետական պատվիրատուները դեպքերի ճնշող մեծամասնության դեպքում (355-ից 350-ը) հայտարարել են գնումներ միակ մատակարարից:
«Фармвестник»-ը նշել է, որ ցուցումների համաձայն՝ բուժման մեկ կուրսի համար պահանջվում է երկու փաթեթ, ինչը, նույնիսկ գնանկման դեպքում, միջին ռուսական ընտանիքի համար բավականին թանկ է: Միևնույն ժամանակ, հոկտեմբերի 3-ին Մոսկվայի քաղաքապետ Սերգեյ Սոբյանինը հայտարարել է, որ Մոսկվայի քաղաքացիները, ովքեր կորոնավիրուսից բուժվում են տնային պայմաններում, պրեպարատը կստանան անվճար:
Նյութը հրապարակման պատրաստեց Լիլիթ Ամիրաղյանը
