Քո ներկայությամբ քո տղամարդուն «կապում են». ի՞նչ անել

Գրեթե ամեն աղջիկ կամ կին հայտնվել է այնպիսի մի իրավիճակում, երբ ինչ-որ մեկը «կպած կապում է» իրեն պատկանող տղամարդուն: Դա բավականին բարդ իրավիճակ է, և շատ բնական է, որ այն առաջացնում է վիրավորված աղջկա արդար ցասումը: Իսկ երբեմն նույնիսկ կատաղության է հասցնում: Սակայն, պետք չէ ընկնել ծայրահեղությունների մեջ` հարձակվել «հակառակորդի» վրա կամ էլ հուսահատվել, հեռանալ ու անկյունում ողջ գիշեր լաց լինել:

Ձեզ ենք ներկայացնում բարձրակարգ մի դեղատոմս` թակարդն ընկնող տղամարդուն վերադարձնելու համար:

Քայլ առաջին. սառիր և մտածիր: Եթե կասկածում ես, մի պահ կանգ առ, մտածիր և, իհարկե, մի քիչ դիտիր, հետևիր համոզվելու համար, որ իսկապես ինչ-որ մեկը քո տղամարդու հետ ֆլիրտ է անում:

Քայլ երկրորդ. ստուգիր զույգիդ: Անհրաժեշտ է հետևել ոչ միայն «կապող» աղջկան, այլև քո տղամարդուն, ինչպես է նա դրան վերաբերվում, պատասխանո՞ւմ է արդյոք: Անիմաստ են հակառակորդի դեմ ռազմական գործողություններն, երբ քո իսկ զույգը կանաչ լույս է վառել նրա առջև: Իսկ եթե այդպես է, ապա, միանշանակ, պետք չէ անմիջապես դանակով նրա վրա հարձակվել, այլ պարզապես ակնարկել, որ տեղյակ ես այդ ամենին:

Երրորդ քայլ. խոսիր զույգիդ հետ: Ավելի լավ է լինել ազնիվ և շիտակ: Հիշիր` բացառված են խղճի, նամուսի մասին երկար դասախոսությունները. վերջիններս միայն կապացուցեն քո ձանձրալի լինելը: Չի կարելի նաև ասել, թե ինչ նա կարող է կամ չի կարող անել: Պարզապես կարճ ներկայացրու տեսակետդ ու կարծիքդ, իսկ մնացածն իր գործն է, թե ինչ կանի:

Քայլ չորրորդ. զույգիդ մոտ խանդ չհրահրես: Եթե քո տղամարդը ֆլիրտ է անում այլ աղջկա հետ, անգամ մտքումդ բացառիր, որպես հայելային պատասխան քո` ցանկացած, պատահած տղամարդու հետ նույն տիպի խաղի մեջ մտնելը: Դա շատ մանկական է: Քեզ մի պահ դիր իր տեղը. բավական չէ, որ ինչ-որ մեկը կպել ու պոկ չի գալիս, հիմա էլ իր սիրելին է ուրիշի գիրկը նետվում: Հաստատ խելացի չէ:

Քայլ հինգերորդ. սկսիր ֆլիրտ հենց զույգիդ հետ: Սա շատ ավելի խելամիտ մոտեցում է: Ի վերջո, ե՞րբ էր նման բան եղել վերջին անգամ: Բոլորն էլ գիտեն, թե ինչպես կարելի է տղամարդուն համոզել, որ ողջ աշխարհում նա ամենասեքսուալն է, գրավիչն ու խելացին:

Համաձայնիր, որ չարժե լուսաբանման այդ գործը թողնել մեկ ուրիշին, երբ ինքդ էլ այն հեշտությամբ կանես: Իսկ բոնուսներն անհամեմատելի են:

Քայլ վեցերորդ. վեր կանգնիր այդ ամենից: Բավական է մնալ սառն ու հանգիստ: Հիշիր` ոչ մի առիթ չպետք է տալ, որ այդ ինչ-որ մեկը զգա, թե դու կատաղած ես և պատրաստ իրեն մաս-մաս անելու: Տղամարդիկ, քոնն էլ այդ թվում, գնահատում են սեփական արժանապատվությամբ կանանց:

Քայլ յոթերորդ. համարձակ եղիր: Բայց միևնույն ժամանակ էլ պետք չէ ոչ մի դեպքում մի կողմ քաշվել կամ էլ փախչել այդ տխուր դեպքի վայրից՝ հնարավորություն ընձեռելով նրանց առանց քեզ ու միասին մնան: Ինքնավստահությունն ու վճռականությունը՝ համեմված քիչ կամ շատ հեգնական հումորով, գրավիչ և հարգանքի արժանի են դիտվում հենց տղամարդկանց կողմից:

Քայլ ութերորդ. հավատա զույգիդ: Ի վերջո, ո՞վ է նա՝ այդ «ծիտը»: Չէ, որ քո հարաբերություններն այդ տղամարդու հետ ավելին են, քան այդ վերջին 15, 45 կամ 85 (էական չէ) րոպեներն են տևում, հետևաբար՝ պետք է նախևառաջ ինքդ քեզ, քո տղամարդուն և ձեր հարաբերություններին հավատաս: Չէ՞ որ դուք միասին եք (իսկ դուք միասի՞ն եք), քանզի դրա համար լուրջ պատճառ կա, և ինչ-որ մեկին չի կարելի ընձեռել հնարավորություն քո իսկ կասկածներից օգտվելու: