Հեղինակություն ձեռք բերելու համար «ՔՈ»-ն դիմում է էժանագին միջոցների
ՀԱՍԱՐԱԿՈՒԹՅՈՒՆ
Սուրեն Ադամյանը ֆեյսբուքյան իր էջում գրում է.
Այսօր մամուլում լայն տարածում գտած «Քաղաքացու որոշում» կուսակցության հայտարարությունը ծայրից ծայր անհեթեթություն է և դա ոչ թե ասում ենք մենք, այլ հայտարարությունում բերված բոլոր փաստարկներն են վկայում դրա մասին։ Հիմք ընդունելով ԲՀԿ առաջնորդի վերջին ելույթները ԱԺ ամբիոնից, նորաթուխ կուսակցությունը պահանջում է Գագիկ Ծառուկյանին զրկել պատգամավորական մանդատից, իբրև Գագիկ Ծառուկյանը «Արարատցեմենտ»-ում առկա խնդիրիների վերաբերյալ բարձրաձայնել է որպես ձեռնարկատեր և այդկերպ շրջանցել օրենքը։
Նույնիսկ անհարմար եմ զգում խոսել այս մասին, քանզի այս մասին խոսվել է բազմիցս, սակայն իրադրությունը այնպիսին է, որ անհրաժեշտ է հատուկ դժվարությամբ ըմբռնողների համար ևս մեկ անգամ կրկնել, որ Գագիկ Ծառուկյանը դեռ քաղաքականություն մուտք գործելուց առաջ իրեն պատկանող բոլոր ձեռնարկությունները հանձնել է հավատագրմային կառավարման, ինչը սակայն չի արգելում վերջինիս վերահսկել կապիտալը, հետևաբար օրենքի խախտում տվյալ պարագայում բացարձակապես չկա։
Գագիկ Ծառուկյանը ելույթները «Արարատցեմենտ»-ում առկա խնդիրների վերաբերյալ ԱԺ ամբիոնից և ոչ միայն, եղել են բացարձակապես այդ նույն գործարանի աշխատակիցների խնդրանքով։Եվ հատուկ «ՔՈ» կուսակցության համար հարկ եմ համարում նշել, որ պատգամավորի կարևորագույն գործառույթներից մեկն է՝ հանրությանը հուզող խնդիրների բարձրաձայնումը և համարժեք ու տրամաբանական լուծումներ տալը։Իսկ Գագիկ Ծառուկյանի վերջին ելույթները վերոնշվածի վառ ապացույցներն են։
Ի՞նչ սպասել այս քաղաքական ուժից, երբ երկրում առկա են բազմաթիվ խնդիրներ, իսկ «ՔՈ» կուսակցությունը հանդես է գալիս անհիմն հայտարարությամբ, որը նորից եմ կրկնում, ամբողջությամբ անհեթեթություն է, փոխարենը, որ կարող են լծվել երկրում առկա խնդիրների շուտափույթ և լուծմանը։
Միթե՞ վերջին խորհրդարանական ընտրությունների արդյունքներն են «Քաղաքացու որոշում» կուսակցությանը դրդում գնալ նմանատիպ էժան քայլերի, կամ գուցե՞ ինքնահաստատման խնդիր կա այստեղ, երկու դեպքում էլ իրավիճակը ցավալի է ՔՈ-ի համար ․․․․
Ինչևէ, նորելուկ կուսակցությունը սխալ ճանապարհ է ընտրել հանրության շրջանում ուշադրության արժանանալու համար և այսպես շարունակելու դեպքում, հաջորդ խորհրդարանական ընտրություններում «ՔՈ»-ի համար վիճակը էլ ավելի տխուր կլինի, քան նախորդում, երբ այդքան մանդարիններ բաժանելուց հետո ընդհամենը 0,68% ձայն ստացան։
