Ատում եմ, երբ ինձ փոփ աստղ են անվանում. Մադոննան այսօր դարձավ 58 տարեկան
ԱՄԵՆԱԸՆԹԵՐՑՎԱԾ
Այսօր ծննդյան 58-ամյակն է նշում ամերիկացի երգչուհի եւ պրոդյուսեր Մադոննան: Իր կարիերան երգչուհին սկսել է ռոք խմբերում հանդես գալով: Մադոննան ժամանակին առանձնացավ իր տարբերվող եւ յուրահատուկ կերպարներով: Երգչուհու տեսահոլովակները MTV-ի անբաժանելի մասն են կազմում, իսկ նրա երգերը, գրեթե, միշտ դրական արձագանքների են արժանանում երաժշտական քննադատների կողմից:
Իսկ ի՞նչ է կարծում երգչուհին կյանքի, տաղանդի, կերպարանափոխության եւ ազատության մասին: Փորձենք հասկանալ` ներկայացնելով նրա հայտնի մեջբերումներից մի քանիսը:
«Եղի՛ր ուժեղ, հավատա՛ ազատությանն ու Աստծուն: Սիրի՛ր ինքդ քեզ, հումորով վերաբերվիր կյանքին, մի՛ դատիր մարդկանց` ելնելով նրանց մաշկի գույնից կամ սեքսուալ կողմնորոշումից, սիրի՛ր կյանքն ու քո ընտանիքին»:
«Ես մի բան եմ սովորել, դա այն է, որ ես չեմ իմ տաղանդի սեփականատերը: Ես դրա մենեջերն եմ»:
«Ես հրաժարվում եմ անել այն, ինչն ինձանից սպասում են»:
«Ուզում եմ լինել Գանդիի, Մարտին Լյութեր Քինգի եւ Ջոն Լենոնի նման, բայց ուզում եմ ողջ մնալ»:
«Սիրում եմ փոփոխվել: Ինչպես, օրինակ, մի փոքրիկ լամպը կարող է ամբողջովին փոխել սենյակի տեսքը»:
«Ես արտահայտվելու ազատության կողմնակիցն եմ: Մարդ պետք է անի այնպես, ինչպես ճիշտ է համարում եւ ամուր կառչի իր երազանքներից»:
«Երբ ես քաղցած եմ, որեւիցե բան եմ ուտում: Երբ ծարավ եմ, ջուր եմ խմում, իսկ երբ ցանկանում եմ որեւիցե բան ասել, ասում եմ»:
«Ես արդյունքն եմ իմ բոլոր ճիշտ եւ սխալ որոշումների»:
«Ես իմ սեփական փորձարկումն եմ, իմ սեփական արվեստի գործը»:
«Աղքատ է այն մարդը, որի ցանկությունները կախված են որեւիցե մեկի որոշումներից»:
«Ես ինձ կատարող արտիստ եմ համարում: Ատում եմ, երբ ինձ փոփ աստղ են անվանում»:
