Մեծ տարիքում հղիանալու ռիսկերը

ԱՄԵՆԱԸՆԹԵՐՑՎԱԾ 4 Август, 2016 13:31

Կանայք արդեն սկսել են ավելի ուշ երեխաներ ունենալ: Դրա պատճառները կարող են լինել աշխատանքը, ճանապարհորդելու ցանկությունը կամ պարզապես առանց երեխաների կյանքը մի քանի տարի ավելի շատ վայելելը:

1991 թվականից 30-ն անց առաջնեկ ունեցող կանանց թիվը կրկնակի ավելացել է: Այս թրենդը գնալով ավելի ու ավելի է տարածվում: Անցած ամիս գիտնականները փորձել են բացահայտել մի նոր միջոց, որով կարող են փոխել դաշտանադադարը և «երիտասարդացնել» կնոջ ձվարանները, ինչը կարող է հնարավոր դարձնել ավելի մեծ տարիքում հղիանալը, բայց նույնիսկ առանց այս նոր՝ բնությանը դեմ գնացող մեթոդի ի՞նչ ռիսկեր կարող են լինել, եթե կինը ավելի ուշ երեխա ունենա:

Բանավեճերն ավելի թեժացան, երբ վերջերս մի ավստրալացի կին ծննդաբերեց 62 տարեկանում արտակորպորալ բեղմնավորման շնորհիվ:

Շատ քիչ կանայք կարող են բնական կերպով երեխաներ ունենալ մեծ տարիքում առանց արտակորպորալ բեղմնավորման, և հիմնականում դա այդ կանանց առաջին հղիություն չի լինում:

Այս կանանց մոտ ավելի ուշ է սկսվում դաշտանադադարը և նրանք սրտի հիվանդություններ, օստեոպորոզ և մտավոր խանգարումներ ունենալու ավելի քիչ հավանականություն ունեն: Սակայն արդյո՞ք սա նշանակում է, որ կարելի է ավելի մեծ տարիքում երեխաներ ունենալ: Արդյո՞ք 40, 50 կամ նույնիսկ 60 տարեկանում երեխաներ ունենալը մեծ ռիսկեր է պարունակում:

Կանանց բնական վերարտադրողական կյանքի տևողությունը

Կնոջ վերարտադրողական կյանքը սահմանափակ տևողություն ունի: Նրա ձվարանները զարգանում են դեռ մոր արգանդում գտնվելիս և դրանք մնում են իրենց ձվարաններում մինչև նրա մոտ սկսվում է դաշտանը:

Ամեն ամիս ավելի քան 400 ձու է հեռանում օրգանիզմից մինչև այն հասնում է 4 միլիոնի և այդ ժամանակ սկսվում է դաշտանադադարը: Սոցիալական և ֆինանսական ճնշումները երեխաներ ցանկացող բազմաթիվ կանանց ստիպում են սպասել և ավելի ուշ երեխաներ ունենալ:

The number of women having babies in their 30s or later has almost doubled in the past 25 years with careers often reported to be to blame

30-ն անց տարիքում երեխաներ ունեցող կանանց թիվը Ավստրալիայում գրեթե կրկնապատկվել է վերջին 25 տարիների ընթացքում:

1000 ծննդկաններից մեկը լինում է 45 և ավելի մեծ տարիք ունեցող կին: Այս թիվը շատ հավանական է, որ կավելանա, եթե նոր տեխնոլոգիաներ զարգանան:

30-ն անց կանանց` երեխա ունենալու ռիսկերը

30 և դրանից ավելի մեծ կանայք կրկնակի ավելի շատ ռիսկ ունեն բարձր արյան ճնշում ունենալու իրենց հղիության ժամանակ, քան 30-ից ցածր երիտասարդ կանայք, ինչպես նաև կրկնակի ավելի հավանական է, որ հղիության ժամանակ շաքարի դիաբետ կունենան:

40-ն անց կանանց ավելի քան կեսը պետք է ծննդաբերի կեսարյան հատման միջոցով: Բարձր տարիքում ծննդաբերելը մեծացնում է ծննդաբերության ժամանակ մահացության ռիսկը:

40-ն անց և 50-ն անց տարիքում երեխա ունենալու ռիսկերը

40-ն անց և 50-ն անց մայրերը երեքից վեց անգամ ավելի հավանական է, որ կմահանան երեխայի ծնունդից 6 շաբաթ անց, քան նրանցից ավելի երիտասարդ մայրերը: Խնդիրներից մեկը կարող է կապված լինել արյունահոսության և մակարդման հետ: Ավելի հավանական է, որ 40-ն անց կանանց երեխան մահացած կծնվի, իսկ 40 տարեկան կնոջ մոտ վիժելու ռիսկը ավելի մեծ է, քան առողջ և կենդանի երեխա լույս աշխարհ բերելունը: Ի վերջո, ոչ երիտասարդ մայրիկներից ծնվող երեխաները 1.5-2 անգամ ավելի հավանական է, որ 36 շաբաթից շուտ կծնվեն և ցածր քաշ կունենան: Ցածր քաշ ունենալը և ժամանակից շուտ ծնվելը կարող է երեխայի համար մեծ ռիսկեր կրել, ինչպես, օրինակ` խնդիրներ թոքերի զարգացման հետ կամ հետագա ճարպակալում և շաքարի դիաբետ:

Իսկ ի՞նչ կասեք արտակորպորալ բեղմնավորման մասին

Արտակորպորալ բեղմնավորման ինդուստրիայի զարգացման շնորհիվ հնարավոր է ձվի և սաղմի դոնոր ունենալ ավելի երիտասարդ և բեղմնավոր կնոջից և այդպես կարելի է օգնել դաշտանադադարում գտնվող կնոջը հղիանալ: Իհարկե, այս ամենը ռիսկեր է պարունակում: Հղիությունը հավելյալ սթրես է բերում կնոջը և սրտի և արյունատար անոթներն ավելի են լարվում և սա հանգեցնում է նրան, որ ավելի հավանական է դառնում այն, որ մեծ տարիք ունեցող մայրերը հետագայում կաթված կարող են ստանալ:

Չնայած հատուկ տարիքային սահմանափակումներ չկան արտակորպորալ բեղմնավորման համար, բազմաթիվ կլինիկաներ դադարեցնում են այդ պրոցեդուրան 50-ն անց կանանց մոտ: 30 տարեկանում կանանց մոտ ամեն ամիս առանց արտակորպորալ բեղմնավորման հղիանալու հավանականությունը 20% է կազմում: 40 տարեկանում դա դառնում է 5% և սա ավելի է նվազում մեծանալու հետ համընթաց:

Ապացուցված է, որ 20-ն անց կանանց մոտ շատ ավելի քիչ է հավանական, որ մոր կամ երեխայի մոտ առողջական խնդիրներ կառաջանան: 20-ն անց տարիքում կանանց մոտ առողջական խնդիրներ ունենալու ռիսկերը, օրինակ` ճարպակալումը կամ շաքարային դիաբետը, ավելի քիչ հավանական են: Երբ կինը ծերանում է, նրա ձվարանի որակը նվազում է: Ցածրորակ ձվերը կապված են գենետիկ արատների հետ, օրինակ` վիժման և բնածին արատների: