Սերժ Սարգսյանն իր ուղերձում չհերքեց 5 շրջանն Ադրբեջանին հանձնելու փաստը, այլ՝ հաստատեց
ՀԱՍԱՐԱԿՈՒԹՅՈՒՆ
«Իշխանության քարոզչության հետեւանքով առաջին պլան է մղվել այն, որ իբր «Սասնա ծռեր» խումբն առաջին պահանջով Սեֆիլյանի ազատ արձակումն է պահանջում, որն այդպես չէր, դա ածանցյալ հարցերից էր, հիմնական խնդիրը Արցախի հարցն է ու 5 շրջանի հանձնումը»,- այս մասին մեր հարցի ի պատասխան ասաց Մոդուս Վիվենդի կոնտրոնի հիմնադիր, քաղաքագետ Արա Պապյանը՝ անդրադառանալով Ժիրայր Սեֆիլյանի վերջին նամակի առաջին պահանջին, որը վերաբերում է Արցախին:
«Ցավոք սրտի, նախագահի երեկվա ուղերձի մեջ ես ոչ թե դրա հերքումը տեսա, այ հաստատումը, նախագահը հստակ ասաց, որ միակողմանի զիջումներ չեն լինելու, ինքն ասաց, որ երկկողմանի զիջումներ լինելու են, իսկ դրանք ամրագրված են Կազանի փաստաթղթի մեջ, դա շատ պարզ է՝ միջանկյալ կարգավիճակի շնորհում ԼՂ-ին ու 5 շրջանի հանձնում ՝ 5+1+1 սկզբունքով: Իսկ մյուս այն հայտարարությունը, որ ԼՂ-ն երբեք չպետք է լինի Ադրբեջանի կազմում, նախ պետք է հասկանալ, թե ինչ ասել է Լեռնային Ղարաբաղ՝ արդյոք, իր մեջ ներառո՞ւմ է 5 շրջանը, թե՞ խոսքը ԼՂԻՄ-ի տարածքի մասին է»,- ասաց քաղաքագետը:
Արա Պապյանը, վկայակոչելով Կազանի փաստաթուղթը, որը Սերժ Սարգսյանը պաշտոնապես հայտարարել է, որ ընդունել է, հիշեցրեց փաստաթղթից մի հատված.
«Այստեղ ասվում է՝ ԼՂ-ին հարակից ադրբեջանական բոլոր տարածքները, որոնք գտնվում են հայկական վերահսկողության ներքո վերադարձվում են Ադրբեջանին, հետո հստակեցնում է՝ էս փաստաթղթից պարզ է, որ ԼՂ ասելով Կազանի փաստաթուղթը հասկանում է ԼՂԻՄ-ի տարածքը»,- ասաց նա՝ հավելելով, որ եթե հայկական կողմը զիջում է 5 շրջանը, վտանգում է մյուս շրջանների կենսակերպը:
Մեր հիշեցմանը, որ Արցախի ՄԻՊ-ն օրեր առաջ հայտարարել էր, որ Պապյանը հակաարցախյան քարոզչություն է անում, ինչո՞վ կբացատրի դա, Պապյանը նկատեց, որ նման մտքեր արտահայտողները պետք է մանրամասնեն, թե ինչու են նման մեղադրանքներ ներկայացնում.
«Ասեմ, որ որեւէ հակաարցախյան քարոզչություն չեմ արել, ես միտք եմ արտահայտել, որ նախորդող 3-4 ամսվա ընթացքում պայթեց. վկայությունը՝ ոչ միայն բանակի փուչիկը, այլ նաեւ ոստիկանության: Դա գնահատել որպես բանակի դեմ ինչ-որ հայտարարություն եւ այլն... Մյուս միտքն այն էր, որ կուզեի իմանալ, թե քառօրյա պատերազմի ժամանակ Ղարաբաղից քանի՞ զինակոչիկ է զոհվել, դա էլ ընկալվեց որպես հակաարցախյան»,- ասաց Պապյանը:
Երրորդ դեպքը, որի համար մեղադրում են քաղաքագետին հետեւյալն է.
«Ես ֆեյսբուքով կիսվել էի Վահան Բադասյանի այն նյութը, որ Ղարաբաղից ինչ-որ խմբեր են եկել Հայաստան, եթե այդ երեք միտքը համարում են հակաարցախյան քարոզչություն, չգիտեմ... բայց երեկ իր նախաձեռնությամբ շփումներ ենք ունեցել, էս հարցը շուտով կշտկվի»,- ասաց բանխոսը:
