Ազարով. Հայաստանում պատրաստվում է ուկրաինական սցենարի մոդելով գունավոր հեղափոխություն

Այս պահին Հայաստանում պատրաստվում է Կիևում տեղի ունեցածին նման գունավոր հեղափոխություն, իրավիճակը շատ է նման 2014 թվականի մայդանային իրադարձություններին նախորդող իրավիճակին։ Այդ մասին սոցիալական ցանցերում գրել է Ուկրաինայի նախկին վարչապետ Նիկոլայ Ազարովը, գրում է eadaily.com–ը։ Նրա խոսքով Հայաստանում ստեղծված իրավիճակը կրկնում է Ուկրաինայում մինչև նախագահ Վիկտոր Յանուկովիչին տապալած հեղաշրջումը ստեղծված իրավիճակը։

«Երկու իրավիճակներն էլ՝ Հայաստանում հիմա և Ուկրաինայում մոտ 2012-13 թվականներին, ճշգրիտ պատճեններ են։ Այսինքն Հայաստանում Փաշինյանի իշխանության վերարտադրության տեսքով պատրաստվում է նմանատիպ գունավոր հեղափոխություն։ Եվ դա պատրաստվում է խաբեության և տարբեր հնարքների միջոցով», - նշել է Նիկոլայ Յանովիչը։ 

Նա նաև նշել է, որ Հայաստանը (ինչպես Ուկրաինան մայդանից առաջ) չի համապատասխանում ԵՄ անդամակցության պահանջներին, և դա չի փոխվի առաջիկա տասնամյակներում։ «Վերջերս հայկական ընդդիմադիր հեռուստաալիքներից մեկը հարցազրույց վերցրեց ինձնից։ Եվ ես շատ հանգիստ և, իմ կարծիքով, շատ օբյեկտիվորեն հայտարարեցի, որ Հայաստանը Եվրամիության կանոնադրական փաստաթղթերով պահանջվող որևէ պարամետրով չի համապատասխանում այդ կազմակերպության անդամակցության համար։ Դա ոչ հիմա է, և ոչ էլ կլինի 25 տարի հետո», - եզրափակել է նախկին վարչապետը։

Ինչպես ավելի վաղ հաղորդել էր EADaily-ն, Նիկոլայ Ազարովը կարծում է, որ քանի դեռ Ուկրաինայում իշխանության գլուխ է Կիևի ներկայիս ռեժիմը, զինված հակամարտության խաղաղ կարգավորումը բացառված է, միայն ժամանակավոր կառավարությունը կարող է խաղաղություն բերել Ուկրաինա։

Նյութը հրապարակման պատրաստեց Կամո Խաչիկյանը

www.1or.am