Մզկիթներ եկեղեցիների փոխարեն. Փաշինյանը պատրաստում է Հայաստանի ապաքրիստոնեականացո՞ւմ

Կեղծիքներ, վարչական ռեսուրսների օգտագործում և Կենտրոնական ընտրական հանձնաժողովի կողմից իշխող կուսակցության հաղթանակի հռչակում։ Ահա թե ինչպես են տեղի ունեցել տեղական ինքնակառավարման մարմինների ընտրությունները ռազմավարական առումով կարևոր Վաղարշապատ քաղաքում, որտեղ գտնվում է Հայ Առաքելական Եկեղեցու (ՀԱԵ) առաջնորդի նստավայրը՝ Էջմիածինը, գրում է politnavigator.news–ը։ 

Նիկոլ Փաշինյանի ռեժիմը կատարելագործում է իր գործողությունները առաջիկա խորհրդարանական քարոզարշավից առաջ։ Իշխող «Քաղաքացիական պայմանագիր» կուսակցությունը հաղթել է։ Այս արդյունքը մեծապես ընտրողների վրա աննախադեպ ճնշման և այլ ընտրախախտումների արդյունք է։ Սակայն Փաշինյանի կուսակցության հաջողության գլխավոր գործոնը ընտրատարածքի ընդլայնումն էր՝ Խոյ համայնքի և մի քանի տասնյակ բնակավայրերի միացումը Վաղարշապատին։

Փաստացի այս մեքենայությունները իշխող կուսակցությանը փրկեցին պարտությունից, որը կարող էր լինել հաջորդ տարվա հունիսին կայանալիք խորհրդարանական ընտրություններում փլուզման նախանշան: Ուստի բոլոր ջանքերն էին կենտրոնացած Վաղարշապատում իշխանությունը պահպանելու վրա, քանի որ նաև Փաշինյանը մտադիր է պաշտոնակա անել Գարեգին II-ին, որի նստավայրը գտնվում է այնտեղ։

Իսկ հարևան Ադրբեջանը տոնում է այդ հաջողությունը այն համարելով Եկեղեցու անհերքելի պարտություն, ինչը արտացոլվել է նրանց մամուլում։ Այսպիսով, ադրբեջանական Icma.az հրատարակությունը եզրակացրել է, որ հայերը կորցրել են իրենց ինքնությունը. «Կարելի է ասել, որ հենց Էջմիածնում ավարտվեց Փաշինյանի և Գարեգին II-ի միջև երկարատև առճակատումը: Ընտրողների ընտրությունը հստակ ցույց տվեց, որ Հայ Առաքելական Եկեղեցին և նրա առաջնորդը, որոնք երկար ժամանակ եղել էին հայ հասարակության հոգևոր և բարոյական փարոսները, զգալիորեն կորցրել էին իրենց նախկին հեղինակությունը... Էջմիածնի քվեարկության արդյունքները Բաքվի համար դարձան ցուցիչ, որ հասարակության մեջ կոշտ տրամադրությունները նվազել են»։

Այսպիսով, Ալիևն այժմ ավելի քիչ կասկածներ ունի Փաշինյանի հաջողության վերաբերյալ ստեղծելու «նոր հանրապետություն», որը մերժում է բոլոր նախկին ազգային արժեքներն ու խորհրդանիշները: Ավելին, իշխող վերնախավի  ձեռքերը հիմա ազատ են կազմակերպելու Սահմանադրությունը փոփոխելու հանրաքվե, որից կհեռացվեն Արցախի, Արարատի և Հայոց ցեղասպանության մասին հղումները։

Բացի դա Հայ Առաքելական Եկեղեցին վերջնականապես ճնշելու համար, անվտանգության ուժերի կողմից գրավվել է Հովհաննավանքը, որը այժմ կարգալույծ քահանա Ստեփան Ասատրյանի նստավայրն է, ով գործում է Փաշինյանի հովանավորությամբ և հակադրվում Էջմիածնին: Նպատակը, ինչպես նշել է հայտնի ակտիվիստ Գրիգոր Գրիգորյանը, եկեղեցու գուցե ոչ թե պարզապես պառակտում է, այլ հենց ոչնչացումը: «Ներկայիս խունտան գործում է Էրդողան-Ալիև զույգի կողմից տրված հրահանգների համաձայն, ինչը հանգեցնում է իսլամացման: Որոշ տեղեկությունների համաձայն, որոնք հաստատվել են ադրբեջանական լրատվամիջոցների կողմից, իշխանությունները մեր բյուջեից միլիարդներ են հատկացրել Հայաստանում տասը մզկիթ կառուցելու համար»,– ասել է նա:

Սակայն հնարավոր է, որ Փաշինյանը շատ շուտ է տոնում, և ընտրությունները պյուռոսյան հաղթանակ կհամարվեն այն իրավիճակում, երբ ոչ թե Եկեղեցին է պարտվել, այլ միայն նախկին նախագահների թեկնածուները: Սա նշանակում է, որ պայքարը դեռ առջևում է:

Նյութը հրապարակման պատրաստեց Կամո Խաչիկյանը

www.1or.am