Գյումրեցի հեռացատկորդ Ռոբերտ Էմիյանը դարձել է Եվրոպայի ռեկորդակիր. պատմության այս օրը (04 սեպտեմբեր)

ՈՐՈՇ ՏՈՆԵՐ - Տեկվանդոյի միջազգային օր, Արգենտինա՝ Ներգաղթյալի օր, Հայաստան՝ Փրկարարի օր, Իրան՝ Կոոպերացիայի օր, Մոլդովա՝ Մաքսային աշխատողի օր, Ռուսաստան՝ Միջուկային ապահովման մասնագետների օր:

ՀԱՅԱՍՏԱՆՈՒՄ
1829 - վախճանվել է ռուսական բանակի հայազգի գեներալ, իշխան Վալերիան Մադաթովը:
1928 - ծնվել է տեխնիկական կիբեռնետիկայի գծով խորհրդահայ գիտնական Կարլեն Աբգարյանը:
1947 - ծնվել է բանաստեղծ և արձակագիր Վիկտոր Հովսեփյանը:
1946 - վախճանվել է ռեժիսոր, դերասան Արշակ Բուրջալյանը:
1955 - ծնվել է մանկավարժ, հասարակական գործիչ Աշոտ Բլեյանը:
1987 - Գյումրեցի հեռացատկորդ Ռոբերտ Էմիյանը դարձել է Եվրոպայի ռեկորդակիր՝ թռչելով 8 մետր 86 սանտիմետր, ռեկորդը անգերազանցելի է մնացել 30 տարի:
1991 - Հայաստանում պետականացվել է ՀԿԿ-ի ունեցվածքը:
1992 - Ղարաբաղյան պատերազմում հայերը ПЗРК-ով խփել են ադրբեջանական МиГ-21 ինքնաթիռ, օդաչուն գերի է ընկել:
2009 - Ազգային ժողովի պատգամավոր Խաչատուր Սուքիասյանը ազատ է արձակվել «Երևան Կենտրոն» քրեակատարողական հիմնարկից:
2013 - ստեղծվել է Սահմանադրական բարեփոխումների հանձնաժողով:
2018 - Հատուկ քննչական ծառայությունը որոշում է կայացրել երկրորդ նախագահ Ռոբերտ Քոչարյանի նկատմամբ ընտրել ստորագրություն չհեռանալու մասին խափանման միջոց:
2019 - «Սանիթեքը» վերջնականապես բոյկոտել է Երևան քաղաքի աղբահանությունը, երբ քաղաքապետարանը որոշել է 200 միլիոնով կրճատել ընկերության ֆինանսավորումը: Երևանի աղբի պատասխանատուն այդ որոշմանը հակադրվել է՝ հրաժարվելով աղբահանությունից:
2020 - Կորոնավիրուսային համաճարակի հետ կապված Հայաստանում մտցված արտակարգ դրությանը փոխարինվել է կարանտինով:

ԱՇԽԱՐՀՈՒՄ
476 - բարբարոսների առաջնորդ Օդոակրը գահընկեց է արել հռոմեական թագավոր Ավգուստուլին՝ վերջ դնելով Արևմտյան Հռոմեական կայսրությանը:
1715 - վախճանվել է ֆրանսիացի քանդակագործ Ֆրանսուա Ժիրարդոնը:
1742 - Գալսինգֆորսի շրջանում շվեդ-ռուսական պատերազմի ընթացքում շրջափակման մեջ ընկած շվեդական բանակը կապիտուլացիայի է ենթարկվել:
1768 - ծնվել է ֆրանսիացի դասական գրող, դիվանագետ, ֆրանսիական գրականության մեջ ռոմանտիզմի նախահայր Ֆրանսուա-Ռընե դը Շատոբրիանը:
1781 - ԱՄՆ-ի Կալիֆորնիա նահանգում իսպանացի 44 վերաբնակիչներ հիմնադրել են Լոս Անջելես քաղաքը:
1802 - գերմանացի լեզվաբան Գեորգ Գրոտեֆենդը աշխարհում առաջին անգամ վերծանել է բաբելոնական սեպագիրը:
1810 - Աբխազիայի կոմս Գեորգի Շավարշիձեն հավատարմության երդում է տվել ռուսական ցարին:
1824 - ծնվել է ավստրիացի կոմպոզիտոր Անտոն Բրուքները:
1837 - Նյու Յորքի համալսարանում Սեմյուել Մորզեն առաջին անգամ ցուցադրել է իր հայտնագործությունը՝ հեռագիրը:
1842 - 284 տարվա ընդմիջումից հետո վերսկսվել է Քյոլնի տաճարի շինարարությունը:
1870 - Ֆրանսիայում գահընկեց է արվել Նապոլեոն 3-րդը և ստեղծվել է Երրորդ հանրապետությունը:
1882 - Նյու Յորքում Թոմաս Էդիսոնը գործարկել է աշխարհում առաջին էլեկտրակայանը և 85 հաճախորդների համար միացրել վճարովի էլեկտրական լուսավորություն:
1885 - Նյու Յորքում բացվել է ԱՄՆ-ում առաջին ինքնասպասարկմամբ սրճարանը:
1888 - ամերիկացի բիզնեսմեն և գյուտարար Ջորջ Իսթմենը ստեղծել է Kodak ընկերությունը և նույն օրը ստացել փաթեթային ֆոտոժապավենի արտոնագիր:
1907 - վախճանվել է նորվեգացի նշանավոր երգահան, երաժշտական գործիչ և խմբավար Էդվարդ Գրիգը:
1909 - Անգլիայում կայացել է բոյսկաուտների առաջին շքերթը:
1938 - Երկրորդ համաշխարհային պատերազմի ժամանակ խորհրդային բանակի «Կարմիր Աստղ» թերթում առաջին անգամ օգտագործվել է «Եթե ես մեռնեմ՝ ինձ համարեք կոմունիստ» արտահայտությունը:
1944 - Ֆինլանդիան դադարեցրել է Խորհրդային Միության հետ սկսված պատերազմը:
1969 - ծնվել է վրացի ակադեմիկոս և քաղաքական գործիչ, Վրաստանի նախկին նախագահ Գիորգի Մարգվելաշվիլին:
1975 - առաջին անգամ եթեր է հեռարձակվել «Ի՞նչ, որտե՞ղ, ե՞րբ» ինտելեկտուալ հաղորդումը:
1985 - Իսրայելում շրջանառության մեջ է մտցվել նոր դրամական միավոր՝ շեկելը:
1989 - վախճանվել է բելգիացի գրող, դետեկտիվ-հոգեբանական ժանրի նշանավոր ստեղծագործող Ժորժ Սիմենոնը:
1991 - Կիևի Գերագույն ռադայի շենքի վրա առաջին անգամ բարձրացվել է կապույտ-դեղին դրոշը:
1997 - վախճանվել է անգլիացի գիտնական-հոգեբան Հանս Յուրգեն Այզենկը, որը հանդիսանում է ինտելեկտի որոշման IQ թեստի ստեղծողը:
1998 - Սթենֆորդի համալսարանի ուսանողներ Լարրի Փեյջն ու Սերգեյ Բրինը հիմնել են Google-ը:
1999 - Դաղստանի Բույնակսկ քաղաքում տեղի է ունեցած ահաբեկչական գործողության հետևանքով զոհվել է 64 մարդ, վիրավորվել՝ 165-ը:

Կ. Խաչիկյան