Լունկին. Իշխանությունը պահպանելու համար Փաշինյանը պետք է ստեղծի նոր, գլոբալիստական Հայաստան
ՎԵՐԼՈՒԾՈՒԹՅՈՒՆՆԵՐ
Իշխանությունը պահպանելու համար Հայաստանի վարչապետ Նիկոլ Փաշինյանը և նրա կողմնակիցները պետք է ստեղծեն նոր, գլոբալիստական Հայաստան, որը բաց կլինի նեոլիբերալ արժեքների համար, առանց Ռուսաստանի հետ նախկին կապերի և առանց ժողովուրդների ու կրոնների ընդհանուր ճակատագրի պատմական հիշողության։ Rt.com–ին տված հարցազրույցում այդ մասին հայտարարել է Ռուսաստանի գիտությունների ակադեմիայի Եվրոպայի ինստիտուտի կրոնի և հասարակության ուսումնասիրության կենտրոնի ղեկավար Ռոման Լունկինը։
«Այս առումով վարչապետի կողմից հայկական եկեղեցու վրա հարձակումը լուծում է բազմաթիվ խնդիրներ. այն թույլ է տալիս գաղափարական արդարացում ունենալ այնպիսի ընդդիմադիր գործիչների, ինչպիսին է Սամվել Կարապետյանը, կալանավորելու համար և, համապատասխանաբար, վերաբաշխել բիզնեսը Փաշինյանի ընկերների օգտին։ Բացի այդ, եկեղեցու ոչնչացումը նաև հնարավորություն է թուլացնելու հասարակության այն հատվածը, որը հավատարիմ է ավանդական քրիստոնեական արժեքներին և որը ամենաշատն է քննադատում Փաշինյանին ղարաբաղի հարցի արմատական լուծման համար», - բացատրել է rt.com-ի զրուցակիցը։
Ինչպես հիշեցրել է Լունկինը, հենց Բագրատ արքեպիսկոպոսի գլխավորած եկեղեցական-քաղաքական շարժումն էր, որը ամենաշատն էր պահանջում վարչապետի հրաժարականը։
«Փաշինյանը իրավունք չունի միջամտել եկեղեցական գործերին, ո՛չ խղճի և կրոնի ազատության միջազգային չափանիշներին, ո՛չ էլ հայկական օրենքներին համապատասխան», - ընդգծել է փորձագետը։
Այժմ, ըստ նրա, վարչապետը բացահայտորեն դեմ է գնում ժողովրդավարությանը, խախտում է կրոնական ազատությունը, կոպտորեն և ցինիկաբար մեղադրանքներ է առաջադրում կաթողիկոսի հասցեին և առաջարկում է փոխել եկեղեցու կանոնադրությունը։ «Հայաստանի ներկայիս առաջնորդը չի հարգում հիերարխիան, բայց ինչ-ինչ պատճառներով կասկածի նշույլ անգամ չկա նրա վիրավորական և ագրեսիվ դիրքորոշման մեջ եկեղեցու նկատմամբ», - հավելել է rt.com-ի զրուցակիցը։
Կրոնագետի խոսքով, հաշվի առնելով եկեղեցու հետապնդման ուկրաինական փորձը, Փաշինյանի ինքնավստահությունը բացատրվում է բացարձակ անպատժելիությամբ և արևմտյան քաղաքական գործիչների կողմից անօրինական գործողություններ կատարելու լուռ և առույգ խրախուսմամբ, որոնք Փաշինյանի դեպքում արդարացվում են «բարձր բարոյականությամբ»։
Նյութը հրապարակման պատրաստեց Կամո Խաչիկյանը
