Կեդմի. Նիկոլ Փաշինյանը Հայաստանը հասցրել է պատվի, տարածքների և պետականության կորստի
ՔԱՂԱՔԱԿԱՆՈՒԹՅՈՒՆ
«Հայաստանը կորցրել է իր պատիվը։ Հայաստանը կորցնում է իր պետականությունը։ Հայաստանը կորցրել է իր տարածքները։ Սա այսօրվա հին հայկական պետության վիճակն է։ Եվ Նիկոլ Փաշինյանն է հասցրել դրան», - ասել է իսրայելցի փորձագետ, «Նատիվ» ծառայության նախկին ղեկավար Յակով Կեդմին, գրում է eadaily.com–ը։
Կեդմիի խոսքով այսօր Հայաստանի վարչապետ Փաշինյանն ավելի հեռուն է գնում։ «Նա ոչ միայն վաճառեց երկիրը, վաճառեց նրա ազգային շահերը, հասցրեց նրան ռազմական պարտության և հանձնեց հայկական տարածքները... Նա ձեռք է բարձրացրել Հայ եկեղեցու վրա։ Հայերը երբեք նման բան չեն արել, որ հայը ձեռք բարձրացնի հայկական եկեղեցու վրա։ Սա վերջին բանն է, որ մնացել է հայ ժողովրդին՝ իրենց հին եկեղեցին, առաջին հին քրիստոնեական եկեղեցիներից մեկը: Ամենահին եկեղեցիներ ունեցել են ղպտիները և հայերը։ Եվ հիմա այս այլասերվածը ձեռք է բարձրացրել դրա վրա, ինչպես Զելենսկին ձեռք բարձրացրեց Ուկրաինայի ուղղափառ եկեղեցու վրա», - ասել է Յակով Կեդմին։
Հիշենք, որ հունիսի 10-ին ՀՀ վարչապետ Նիկոլ Փաշինյանը իր Telegram ալիքում նշել էր Էջմիածնի Մայր Աթոռի Պատրիարքության «ազատագրման» և Ամենայն հայոց կաթողիկոսի նոր ընտրություններ կազմակերպելու համար ակտիվ միջոցներ ձեռնարկելու անհրաժեշտության մասին: Այդ ծրագիրն իրականացնելու համար հանրապետության կառավարության ղեկավարը նախաձեռնել էր համակարգող խմբի ստեղծումը: Գարեգին Բ կաթողիկոսը և նրա կողմնակիցները ՀԱԵ-ի ներսում և դրա կանոնական սահմաններից դուրս ներկայումս փորձում են հետ մղել իշխանությունների հարձակումը: Նշվում է ՀՀ Սահմանադրությամբ ամրագրված եկեղեցու և պետության բաժանման և միմյանց գործերին փաստացի չմիջամտելու մասին նորմը:
Նյութը հրապարակման պատրաստեց Կամո Խաչիկյանը
