«Հայաստանի և Ադրբեջանի ղեկավարները հանդիպել են Աբու Դաբիում»
ՔԱՂԱՔԱԿԱՆՈՒԹՅՈՒՆ
Հայաստանի վարչապետ Նիկոլ Փաշինյանը և Ադրբեջանի նախագահ Իլհամ Ալիևը հուլիսի 10-ին ավելի քան չորս ժամ բանակցություններ են վարում Աբու Դաբիում, գրում է dw.com–ը: Հանդիպումից հետո Հայաստանի եւ Ադրբեջանի արտաքին գործերի նախարարության կայքերում հայտնվել են բանակցությունների վերաբերյալ նույնական մամլո հաղորդագրություններ: Փաշինյանը և Ալիևը «նշել են սահմանազատման գործընթացում առաջընթացը» և «հանձնարարել համապատասխան մարմիններին շարունակել գործնական աշխատանքը այդ ուղղությամբ»: Ինչպես նաև «կողմերը պայմանավորվել են նաև շարունակել երկկողմ բանակցությունները և երկու երկրների միջև վստահության ամրապնդմանն ուղղված միջոցառումները:
Սա Ալիևի ու Փաշինյանի առաջին անմիջական բանակցություններն են, ավելի վաղ դրանք եղել են կամ միջնորդների մասնակցությամբ, կամ միջազգային գագաթնաժողովների շրջանակներում: Դեռ 2025 թվականի մարտին են Բաքուն և Երևանը պայմանավորվել խաղաղության համաձայնագրի շուրջ: Այնուամենայնիվ, այն դեռ ստորագրված չէ: Դա տեղի չի ունեցել նաև Աբու Դաբիում:
«Այս հանդիպումը տեղի է ունեցել խաղաղության պայմանագրը համաձայնեցնելուց հետո: Այո, խաղաղության պայմանագիրը համաձայնեցված է և շատերը սպասում էին, որ այն կստորագրվի այս հանդիպման ժամանակ: Բայց դրանք ոչ իրատեսական սպասումներ էին, քանի որ պայմանագիրը ամենաշուտը հնարավոր է, որ ստորագրվի մյուս տարի, երբ Հայաստանը, հնարավոր է, փոխի սահմանադրությունը»,– dw.com–ի հետ զրույցում ասել է լրագրող, հայ–ադրբեջանական հակամարտության հետազոտող Կիրիլ Կրիվոշեևը:
«Կարծում եմ, որ մենք դեռ պետք է սպասենք երկու կողմերի խաղաղության համաձայնագրի ստորագրմանը, և Հայաստանի հետ դիվանագիտական հարաբերությունների հաստատումը այնպես, ինչպես անում են բոլոր մյուս երկրները: Միայն այդ դեպքում կարելի է խոսել այն մասին, որ հակամարտությունը ավարտվել է»,–նշել է Գերմանիայում ապրող ադրբեջանցի լրագրող Ֆաթիմա Կերիմովան dw.com–ի հետ զրույցում:
«Սա անմիջական հանդիպում էր առանց միջնորդների, այնպես ինչպես նախկինում, երբ Ռուսաստանը բավականին ակտիվ էր այդ գործընթացում, կամ գոնե ակտիվություն էր ցույց տալիս: Իսկ հիմա հանդիպումը տեղի է ունեցել Աբու Դաբիում, դա լրիվ այլ ուղղություն է: Ադրբեջանը համարում է, որ Աբու Դաբին երբեք չի բռնել ինչ որ մեկի կողմը, և այդ պատճառով էլ ընդունելի հարթակ է բանակցությունների համար»,– ավելացրել է Կերիմովան:
«Երբ նրանք ասում են, որ Ռուսաստանը դուրս է մղվել բանակցային գործընթացից, պետք է ասել, որ դա նորություն չէ, քանի որ նա դուրս էր մղվել դեռ անցյալ տարի, երբ ռուս խաղաղապահները հեռացան Ղարաբաղից: Դրանից հետո Ռուսաստանի էլ ի՞նչ դերի մասին կարելի է խոսել», - ամփոփել է Կրիվոշեևը:
Նյութը հրապարակման պատրաստեց Կամո Խաչիկյանը
