Ինչ խնդիրներ կարող են առաջանալ երկարատև սեռական զսպվածության դեպքում
ՖՈՏՈ
Բժիշկներն ու հոգեբանները պնդում են, որ երկարատև սեռական ժուժկալությունը, հատկապես երիտասարդների դեպքում, խիստ վտանգավոր է օրգանիզմի համար: Առհասարակ ժուժկալությունը շատ վտանգավոր երևույթ է: Տղամարդկանց մոտ այն կարող է առողջական խնդիրներ առաջացնել ֆիզիկական տեսանկյունից, իսկ կանանց մոտ՝ հոգեկան: Սակայն հենց իգական սեռի ներկայացուցիչներն են հաճախ հրաժարվում սեքսից, քանի որ չեն ցանկանում սեռական հարաբերություններ ունենալ առաջին պատահածի հետ:
Տղամարդկանց համար այս խնդիրը լուծելը շատ ավելի հեշտ է: Մշտական սիրելի զուգընկերուհու բացակայության դեպքում նրանք պարզապես իրենց օրգանիզմի պահանջները բավարարում են մեկ այլ կնոջ հետ: Սակայն սովորաբար հենց տղամարդկանց դեպքում է ժուժկալությունը կրում հարկադիր բնույթ (օրինակ՝ զինվորական ծառայության ժամանակ):
Բոլորն էլ գիտեն, որ սեքսի ժամանակ արտադրվում են էնդորֆիններ՝ երջանկության հորմոններ, որոնք բարձրացնում են մարդու տրամադրությունը և նպաստում հոգեկան առողջության վերականգնմանը: Առանց այդ հորմոնների բարձր է լինում երկարատև դեպրեսիաների և դրանցից բխող այլ խնդիրների հավանականությունը: Էնդորֆինների մակարդակը բարձրացնելու համար իհարկե կարելի է շոկոլադ ուտել կամ սպորտով զբաղվել, սակայն այդ մեթոդները միայն «արհեստական փոխարինիչներ» են և կարճ ժամանակով են երջանկացնում: Գիտնականները պարզել են, որ սեռական կյանքից հրաժարվելը, անկախ պատճառից, հանգեցնում է անհիմն ագրեսիայի և մարդը դժվարանում է կառավարել իր հույզերը:
Ներկայում կանանց մոտ հաճախ հարցեր են ծագում՝ կապված օրգազմների հաճախականության կամ դրանց բացակայության հետ: Հարկ է նշել, որ երկարատև սեռական ժուժկալության դեպքում գլխուղեղն ազդանշան է ուղարկում, որ սեռական գործառույթն օրգանիզմին հարկավոր չէ: Սա է պատճառը, որ կանայք հաճախ զրկվում են օրգազմ ստանալու կարողությունից, քանի որ օրգանիզմը մոռանում է, թե ինչ է դա:
Հոգեբանները, սեքսոպաթոլոգներն ու բժիշկները պնդում են, որ մեկ տարուց ավել տևած ժուժկալությունը կարող է խիստ վնասակար լինել: Սա լուրջ սթրես է օրգանիզմի համար և սեռական կյանքում նման ընդմիջումից հետո օրգանիզմը կարող է նույնիսկ չվերականգնվել: Նման ընդմիջումների հետևանքով տղամարդկանց մոտ կարող է առաջանալ սեռական անկարողություն, իսկ կանայք, ինչպես արդեն նշվել է, կարող են զրկվել օրգազմ ստանալու կարողությունից:
Սեքսի «պակասի» դեպքում պետք չէ մտածել, որ ամեն օր սեռական հարաբերություններ ունենալը կերջանկացնի մարդուն: Հարկ է հիշել, որ սեռական կյանքի ինտենսիվությունը կախված է միայն զուգընկերներից և պարտադրաբար սեքսով զբաղվելու դեպքում կարող են առաջանալ լուրջ հոգեբանական խնդիրներ:
Սեռական ժուժկալությունը տղամարդկանց դեպքում
Հարկ է նշել, որ բնականոն սեռական կյանքով ապրող տղամարդու մոտ նույնպես կարող է նկատվել պոլյուցիա և ինքնաբավարարման ցանկություն: Ուսումնասիրությունները ցույց են տվել, որ ձեռնաշարժությունը բավական տարածված երևույթ է երիտասարդների շրջանում: Ձեռնաշարժությամբ զբաղվող տղամարդկանց 97%-ը բնականոն սեռական կյանքին անցնելուց հետո ազատվում է այդ սովորությունից: Հակառակ սեռի ներկայացուցիչների հետ շփվելիս նրանց մոտ խնդիրներ չեն առաջանում և միայն 46%-ի մոտ կարող է նկատվել սեռական ցանկության որոշակի նվազում:
Սեռական ժուժկալությունը կանանց դեպքում
Կանանց դեպքում պատկերը մի փոքր այլ է: Նրանք պետք է իմանան, որ եթե տղամարդը երկար ժամանակ զրկված է լինում սեռական կյանքից, ապա օրգազմի կարող է շատ արագ հասնել, ինչը նշանակում է որ նա պարզապես չի կարողանա կնոջն անհրաժեշտ սեռական բավականությունը պատճառել: Այս ամենի հետևանքով զուգընկերների սեռական կյանքը կարող է զգալիորեն վատանալ:
