300 կգ կրողունակությամբ ծանր «Թիթեռ» կվադրիկոպտերը
ՄԻՋԱԶԳԱՅԻՆ
Ռուսական արդյունաբերությունը զարգացնում և պարբերաբար ներկայացնում է տարբեր անօդաչու թռչող սարքեր, այդ թվում յուրահատուկ բնութագրերով մոդելներ։ Եվս մեկ անսովոր և հետաքրքիր օրինակ է «Սովէլմաշ» ընկերության «Мотылёк»՝ «Թիթեռ» անօդաչու թռչող սարքը, գրում է topwar.ru-ն։
«Թիթեռ» նախագիծը մշակել է մերձմոսկովյան Զելենոգրադից «Սովէլմաշ» ընկերությունը: Նրա գործունեության հիմնական ոլորտը տարբեր էլեկտրական սարքերի ու շարժիչների ստեղծումն ու արտադրությունն է, և նա որոշել է այդ ոլորտում իր փորձն օգտագործել ծանր անօդաչու սարքի նախագծմամբ, որը հեգնանքով կոչել են «Թիթեռ»:
Նոր նախագիծը հիմնված է այն զարգացումների վրա, որոնք եղել են մի քանի տարի առաջ: Սակայն միայն այս տարվա գարնանն է հայտնվել ծանր կվադկոպտերի նախագծի մասին առաջին տեղեկությունները։ Այս պահին ընկերությունն արդեն ավարտել է նախագծի մշակումը: Կվադրիկոպտերի ագրեգատների հիմնական մասը հավաքվել է ինքնուրույն՝ սեփական կառուցվածքով և հատուկ սարքավորումների օգտագործմամբ։
Օգոստոսի սկզբին ընկերությունը հայտարարել է «Թիթեռ»-ի փորձարկման մեկնարկի մասին։ Բացի այդ, նրանք հրապարակել են թեստերից մեկի տեսանյութը։ Անօդաչու թռչող սարքը տեղադրվել է դինամոմետրով փորձարկման նստարանի վրա, և շարժիչները գործարկվել են տարբեր ռեժիմներով։ Ցուցադրվել է բավականաչափ մղում, ինչը թույլ է տալիս նրան օդ բարձրանալ զգալի բեռ կրելով։
Օգոստոսի սկզբին արտադրող ընկերությունը հայտարարել է իր նոր «Թիթեռ» անօդաչու թռչող սարքի առաջին հրապարակային ցուցադրության մասին։ «Բանակ-2024» ֆորումում բացահայտվել են նախագծի հիմնական նպատակները, կոպտերի բնութագրերը և լուծվելիք խնդիրների պոտենցիալ շրջանակը։ Ցուցադրվել է նաև կառուցվածքի կրողունակությունը։ Այդ փորձնական անօդաչուն ցուցադրվել է արտաքին կախոցի վրա գտնվող 250 կգ կշռող օդային ռումբով։
«Թիթեռ»-ը ծանր կվադոկոպտեր է էլեկտրական շարժիչ համակարգով: Ըստ հաշվարկների՝ այն պետք է ցույց տա թռիչքային բարձր բնութագրեր և օդ բարձրացնի տարբեր բեռներ։
Դրոնի հիմնական ագրեգատն ալյումինե խողովակներից պատրաստված շրջանակն է։ Այն ունի տարրական ուղղանկյուն ֆյուզելաժ, որին ամրացված են կողային ճառագայթներ-շարժիչի ամրակներ։ «Թիթեռ»-ն ունի նաև դահուկային շասսի: Ալյումինե շրջանակը համատեղում է բավարար ուժ և նվազեցված քաշ, ինչը համապատասխանում է նման կոպտերի առանձնահատկություններին: «Թիթեռ»-ն ունի չորս էլեկտրական շարժիչներ: Այդ շարժիչների հիմքը 318 տրամաչափի ասինխրոն անիվային շարժիչն է: Շարժիչներից յուրաքանչյուրը կշռում է 24 կգ և զարգացնում է 60 կՎտ հզորություն։ Դրանք սնվում են անօդաչու թռչող սարքի «ֆյուզելաժում» տեղադրված մարտկոցներից։ Հնարավոր է տեղադրել մի քանի նման մարտկոցներ, ինչը թույլ է տալիս մեծացնել կոպտերի հեռահարությունը: «Թիթեռ»-ն ունի հեռակառավարման համակարգ, որը կատարում է օպերատորի հրամանները, ունի տեսախցիկ։ Ապագայում նրա գործիքավորումը կարող է համալրվել այլ սարքերով։
Այդ ծանր կոպտերի մաքուր քաշը, կախված էներգամատակարարման համակարգերի կոնֆիգուրացիայից, չի գերազանցում 300 կգ-ը: Վերելքի առավելագույն քաշը 600 կգ է, որից առնվազն կեսը կարող է լինել օգտակար բեռը:
«Թիթեռ»-ի արագության բնութագրերը դեռ հստակեցված չեն: Թռիչքի միջակայքը և շահագործման շառավիղը հիմնականում կախված են տեղադրված մարտկոցների հզորությունից: Մշակողները խոսում են առնվազն 150 կմ հեռահարության մասին։
Կոպտերը կարող է տեղափոխել տարբեր բեռներ: Նրա մեծ զանգվածը և կրող հզորությունը թույլ են տալիս տեղափոխել բարդ և ծանր բեռներ տարբեր նպատակների համար: Նաև այն պետք է դիտարկել որպես պոտենցիալ զենք կրող։ Պարզության համար ցուցադրության նմուշի վրա կախված է եղել լիարժեք ավիացիոն ռումբ: Միաժամանակ, այն կկարողանա այլ զինամթերք ևս կրել, այդ թվում ուղղորդվող: Հնարավոր է օգտագործել համակցված բեռներ:
Այդ նոր ծանր անօդաչու թռչող սարքն ակնհայտ հետաքրքրություն է ներկայացնում տարբեր հաճախորդների համար: Առաջին հերթին նման տեխնիկա կարող են պատվիրել զինված ուժերը։ Զինվորականներն ունեն կոպտերների լայն տեսականի, բայց դրանք հիմնականում թեթև դասի սարքավորումներ են: Նոր ծանր մոդելը կլրացնի բացը և բանակին մի շարք նոր հնարավորություններ կտա հետախուզության և հարվածների համատեքստում։ Թեթև հետախուզական սարքավորումներով և տարողունակ մարտկոցներով «Թիթեռ»-ը կկարողանա երկար ժամանակ մնալ օդում և ապահովել հետախուզություն, թիրախի նշանակում և ճշգրտում տարբեր զինատեսակների համար:
Նյութը հրապարակման պատրաստեց Կամո Խաչիկյանը
