Կարծիք. «Հայաստանի պաշտպանության նախարարությունում ամերիկացի զինվորականների առկայությունը Երևանի հերթական դեմարշն է»
ՔԱՂԱՔԱԿԱՆՈՒԹՅՈՒՆ
PolitRUS փորձագիտական և վերլուծական ցանցի հիմնադիր Վիտալի Արկովը Opinion հաղորդաշարի եթերում մեկնաբանել է լուրերն այն մասին, որ ԱՄՆ բանակի ներկայացուցիչը սկսելու է աշխատել Հայաստանի պաշտպանության նախարարությունում, գրում է news-front.su-ն։
«Ոչ ոք չի զարմանում, որ Վրաստանի նախագահ է դարձել Սալոմե Զուրաբիշվիլին, ով նախկինում աշխատել է որպես ֆրանսիական հետախուզական ծառայությունների գործակալ։ Պենտագոնի ներկայացուցչի ժամանումը Հայաստանի պաշտպանության նախարարություն միանգամայն հասկանալի է հաշվի առնելով այն ուղղությունը, որով այդ երկիրը շարժվում է Փաշինյանի իշխանության օրոք։ Ակնհայտ է, որ ԱՄՆ-ը վաղուց է ներկա Հայաստանում, և Երևանը հետևում է Վաշինգտոնի հրահանգներին»,- ասել է Վիտալի Արկովը։
Փորձագետը կարծում է, որ այն, ինչ տեղի է ունենում, դեմարշ է Ռուսաստանի դեմ հաշվի առնելով Երևանի ու ՀԱՊԿ լարված հարաբերությունները։ Սակայն դա էական փոփոխություններ չի բերի ԱՄՆ-ի և Հայաստանի հարաբերություններում, քանի որ նրանց միջև փոխգործակցությունը վաղուց է արդեն իսկ հաստատված։
«Երևանի գործողությունը սադրիչ քայլ է, որը կարող է հանգեցնել ՀԱՊԿ-ի դեմ ամպագոռգոռ հայտարարությունների: Սակայն նման գործողությունները Հայաստանին չեն տանի ոչ դեպի ՆԱՏՕ, ոչ էլ ԵՄ։ Դա պարզապես Հավաքական Արևմուտքի երկրներից ստացված առաջադրանքների կատարումն է»,- նշել է Արկովը։
Վերլուծաբանը պարզաբանել է, որ Հայաստանում կարծիքները բաժանված են, բնակչության մի մասը ձգտում է դեպի Արևմուտք, իսկ ավագ սերունդը հասկանում է Ռուսաստանի հետ համագործակցության կարևորությունը և քննադատում երկրի ղեկավարությանը։
«Երկրում առկա է քաղաքացիական պատերազմի վտանգ, քանի որ Հայաստանում կան շատ մարդիկ, ովքեր դեմ են Արևմուտքի հետ մերձեցմանը»,- ամփոփել է PolitRUS փորձագիտական և վերլուծական ցանցի հիմնադիրը։
Նյութը հրապարակման պատրաստեց Կամո Խաչիկյանը
