Փաշինյանին զգուշացրել են ԱՄՆ-ի հետ «սիրախաղի» վտանգների մասին

Երևանում փողոցային բախումները թեժ փուլի են անցել, ավելի քան 80 ցուցարար և 18 ոստիկան են վիրավորվել, տասնյակ մարդիկ են բերման ենթարկվել,գրում է Ntv.ru-ն։ Ցուցարարները պահանջում էին վարչապետ Նիկոլ Փաշինյանի հրաժարականը՝ ղարաբաղյան խնդրի պատճառով։ «Արցախը Հայաստան է» կարգախոսով իշխանության եկած Փաշինյանը հիմա ստիպված է պաշտպանել հակառակ թեզը՝ «Ղարաբաղն արդեն Ադրբեջան է»։ 2020 թվականի պատերազմում ձախողումից հետո Հայաստանի իշխանությունները Ղարաբաղը աստիճանաբար լքելու քաղաքականություն են վարում։ Բացի դա, ցուցարարները չեն կարողանում հաշտվել հայ-ադրբեջանական սահմանի սահմանազատման հետ: Բայց Փաշինյանն ունի մեծամասնություն խորհրդարանում, իսկ մինչև ընտրությունները դեռ երկու տարի կա։ Ուստի վարչապետը ոչ միայն ոչ մի տեղ չի պատրաստվում գնալ, այլ նաև կարծես թե շտապում է Հայաստանին վերակողմնորոշել արտաքին քաղաքական դաշտում։ Նրա կառավարությունն այժմ նոր դաշնակիցներ է փնտրում: Վերջերս  ՀՀ գլխավոր շտաբի պետի տեղակալը մասնակցել է ՆԱՏՕ-ի ռազմական կոմիտեի նիստին, Երևան է այցելել ԱՄՆ պետքարտուղարի տեղակալը, ով հայտարարել է, որ Հայաստանի հետ հարաբերությունները հասցվում են ռազմավարական մակարդակի, որը հնարավորություն է երկիրի համար ապրել առանց Ռուսաստանի:

«Եթե Պետդեպարտամենտի ներկայացուցչին հարցնեք, թե արդյո՞ք Միացյալ Նահանգները պատրաստ է ապահովել Հայաստանի անվտանգությունը, թե՞ կհրավիրվի երկիրը ՆԱՏՕ, ապա պատասխանը բացասական կլինի։ ԱՄՆ-ը Հայաստանում կենսական շահեր չունի: Այդ շահերը Թուրքիայում և Իսրայելում են, որոնց զենքերով էլ սպանել են ղարաբաղցիներին: Իսկ նրանց թշնամին Իրանն է, որը մեզ աջակցեց, ինչպես Ռուսաստանը, որը ևս որոշ չափով աջակցեց մեզ»,- ասել է Սթենֆորդի համալսարանի քաղաքական գիտությունների դոկտոր Արթուր Խաչիկյանը։

«Նախկին խորհրդային հանրապետություններն այժմ կանգնած են կեղծ ընտրության առաջ: Ե՛վ Փաշինյանին, օրինակ, և՛ Մոլդովայի նախագահ Մայա Սանդուն քաշում են դեպի Եվրատլանտյան դաշինք Ռուսաստանին վնասելու համար։ Մոլդովայի հետ դա արդեն եղել է, բայց հիմա իշխանությունների և մոլդովական ընդդիմության միջև քաղաքացիական առճակատման հսկայական վտանգ է առաջացել, որը դեռ նոր է ձևավորվում»,- ասել է քաղաքական մեկնաբան (Ֆրանսիա) Ֆիլիպ Լուբիերը։

Նյութը հրապարակման պատրաստեց Կամո Խաչիկյանը

www.1or.am