«Գազային» քաղաքականության նրբերանգները. Վրաստանի փոխարեն Ադրբեջանը գազ կմատակարարի Հայաստանին
ՎԵՐԼՈՒԾՈՒԹՅՈՒՆՆԵՐ
Akcent.site-ն գրում է, որ որքան էլ Ռուսաստանի հետ տնտեսական հարաբերությունները վատանում են, Հայաստանն ու Վրաստանը շարունակում են ռուսական բնական գազ գնել։ Միաժամանակ, սակայն, գազը չի էժանանա հայ և վրացի սպառողների համար։ Բայց չի էլ թանկանա։
Ռուսաստանը Հայաստանին բնական գազի հիմնական մատակարարն է (ավելի քան 80 % բաժնեմաս)։ Իսկ ահա վրացական շուկայում ստիպված է մրցակցել Ադրբեջանի հետ։ Եվ ռուսական գազի մատակարարումները Վրաստան հունվար-հոկտեմբերին կրկնապատկվել են։ Միաժամանակ, ադրբեջանական գազի մատակարարումները, ընդհակառակը, նվազել են 10 %-ով։ Վրաստանի փոխվարչապետ Լևան Դավիթաշվիլին հայտարարել է, որ երկիրը կշարունակի էներգակիրներ գնել Ռուսաստանից «անխոչընդոտ տնտեսական աճ ապահովելու համար», նա դրանում քաղաքականություն չի տեսնում: Հայաստան ռուսական գազի մատակարարումների վերաբերյալ վերջին տվյալները չկան։ Սակայն հունվար-հունիս ամիսներին դրանք նվազել էին 4 %-ով, քանի որ «Հյուսիսային Կովկաս-Անդրկովկաս» մայրուղային գազատարը մինչև ապրիլ վերանորոգման փուլում էր։ Ավելին, Հայաստանի իշխանությունները լրջորեն քննարկում են Ադրբեջանից գազի մատակարարումների վերականգնման հարցը: Այդ մասին ասել է էներգետիկայի փոխնախարար Հակոբ Վարդանյանը։ Հիշեցնենք, որ նման մատակարարումները դադարեցվել էին 1993 թվականի առաջին ղարաբաղյան պատերազմի ժամանակ։ Ճիշտ է, գազամատակարարումը վերսկսելու համար նախ պետք է վերականգնվեն մայրուղային գազատարները, բայց այդ հարցով ոչ ժամկետները, ոչ էլ արժեքը հայտնի չեն:
Նյութը հրապարակման պատրաստեց Կամո Խաչիկյանը
