Սամվել Բաբայանի լպիրշությունն աճում է երկրաչափական պրոգրեսիայով
ՎԵՐԼՈՒԾՈՒԹՅՈՒՆՆԵՐ
Արցախի պաշտպանության բանակի նախկին հրամանատար Սամվել Բաբայանը հերքում է, թե իր մերձավորներն են մասնակցել հոկտեմբերի 20-ին Երևանում Արցախի ներկայացուցչության վրա կատարված հարձակմանը։ Բաբայանը, երեկ չափազանց լպիրշ տոնով պատասխանելով լրագրողի հարցին, ակնարկել է, թե այլ գործողության մեջ մասնակից են Արցախի նախկին նախագահ Արայիկ Հարությունյանի մերձավորները։
Հարությունյանը, նշենք, գտնվում է Բաքվի բանտում և պրակտիկորեն չի կարող արձագանքել Սամվել Բաբայանի այս հայտարարությանը։ Միևնույն ժամանակ Բաբայանը նաև իրեն չափազանց լպիրշ է պահել լրագրողի հետ զրույցում, ձեռքով հարվածել նրա բարձրախոսին, ինչը վկայում է, որ ինքն էլ բավականին լուրջ նյարդայնացած է ստեղծված իրավիճակից, գիտակցում է, որ հեշտ չի լինելու մարսել Արցախի ներկայացուցչությունում տեղի ունեցած միջադեպը։
Նշենք, որ այդ դեպքով ձերբակալվել է մեկ տասնյակ անձ, որոնցից երկուսին արդեն իսկ կալանավորել են։ Թե՛ արցախցիների շրջանում և թե՛ հայաստանյան քաղաքական շրջանակներում հստակ գիտակցում կա, որ հենց Բաբայանն է կազմակերպել և իրականացրել Սամվել Շահրամանյանի և մյուսների վրա հարձակումը։
Հիշեցնենք, որ դեպքից մեկ օր առաջ Արցախի Ազգային ժողովի փոխնախագահ Գագիկ Բաղունցը, որը Բաբայանի կուսակիցն է, Սամվել Շահրամանյանին և Արցախի այլ պաշտոնյաների հրավիրել էր ներկայացուցչություն՝ հանդիպելու սոցիալական խնդիրներ ունեցող արցախցիներին, իսկ արդյունքում մի քանի քաշքշոց եղավ և տասնյակ անձինք էլ հարձակվեցին Արցախի նախագահի աշխատակազմի ղեկավար Կարեն Շահրամանյանի վրա, հարվածներ հասցրեցին նրան, ինչպես նաև վնասել են մեքենան։
Առաջիկայում Փաշինյանը մտադիր է նոր սադրանքներ հրահրել Արցախի նախկին իշխանությունների դեմ, և վերջիններս որքան փորձեն լռել և չպատասխանեն Նիկոլ Փաշինյանի սադրանքներին, այնքան իրավիճակն ավելի թեժանալու է։
Նաիրա Մանուկյան
