Հայաստանի 1016 քաղաքացի այդ պահին համարվում է անհետ կորած․ Փաշինյան (տեսանյութ)
ՔԱՂԱՔԱԿԱՆՈՒԹՅՈՒՆԻնչպես տեսնում եք, ՀՀ-ին տարածաշրջանի տրանսպորային կոմունիկացիաների բացմանը խոչընդոտելու մեջ մեղադրելու որևէ հիմք չկա։ Կան վերլուծություններ, որ պաշտոնական Բաքուն միջանցքային խոսույթը նենգափոխում է տարածաշրջանում նոր պատերազմ հրահրելու, Հայաստանի նոր տարածքներ օկուպացնելու կամ Հայաստանը շրջափակման մեջ պահելու համար․ նման բան թույլ տալ չի կարելի։
Այս մասին այսօր Եվրախորհրդարանում իր ելույթի ժամանակ ասաց վարչապետ Նիկոլ Փաշինյանը։
Փաշինյանի խոսքով՝ բոլոր պայմանավորվածությունները Հայաստանը պատրաստ է կյանքի կոչել, պատրաստ է գնալ ընթացակարգերի պարզեցման, բացի այս, Հայաստանը պատրաստ է ապահովել ադրբեջանական բեռների և ադրբեջանցիների անցման անվտանգությունը մեր տարածքով՝ հույս ունենալով փոխադարձության։
«Մենք պատրաստ ենք զորքերի հայելային հետքաշման 1991 թվականի սահմանների գծից, ինչը կնշանակի, որ Ադրբեջանը Հայաստանի ոչ մի տարածքում զորք չի ունենա, Հայաստանն էլ՝ Ադրբեջանի։ Մենք պատրաստ ենք փոխադարձության սկզբունքով հասցեագրել նաև, այսպես կոչված, անկլավների հարցը, ինչպես հայտարարել եմ սույն թվականի հոկտեմբերի 10-ին։ Եվ վերջապես, պատրաստ ենք մինչև տարեվերջ Ադրբեջանի հետ խաղաղության և հարաբերությունների կարգավորման պայմանագիր կնքել»։
Նիկոլ Փաշինյանը նշեց, որ Ադրբեջանը հրաժարվեց գալ Գրանադայի հանդիպմանը։
«Եթե պաշտոնապես վերահաստատվեն մեր նշած սկզբունքները, մինչև տարեվերջ Հայաստան-Ադրբեջան հարաբերությունների կարգավորման պայմանագիր ստորագրելը կդառնա խիստ իրատեսական։ Մենք պատրաստ ենք նաև բոլոր գերիների, կալանավորված անձանց՝ բոլորը բոլորի դիմաց ազատ արձակման սկզբունքին, պատրաստ ենք նաև համագործակցել անհետ կորածների ճակատագրի պարզաբանման հարցում։ Հայաստանի 1016 քաղաքացի այս պահին համարվում է անհետ կորած, պատրաստ ենք համագործակցել նաև ականազերծման հարցում։ Ուզում եմ հատուկ ընդգծել, որ դեռ 2021 թվականին Հայաստանը ԼՂ-ից ստացել է և Ադրբեջանին է փոխանցել ականապատ դաշտերի հայկական կողմի տրամադրության տակ առկա բոլոր քարտեզները։ Մենք սա արել ենք առանց նախապայմանների, որպես բարի կամքի արտահայտություն, բայց, ցավոք, Ադրբեջանը դա ընկալեց ոչ թե խաղաղությանն ուղղված քայլ, այլ Հայաստանի նկատմամբ ագրեսիվ հռետորաբանությունը սաստկացնելու առիթ»։
Մանրամասները՝ տեսանյութում
