Սրել Ռուսաստանի հետ հարաբերությունները. Փաշինյանը նոր դավադրության է պատրաստվում
ՎԵՐԼՈՒԾՈՒԹՅՈՒՆՆԵՐ
Վարչապետի պաշտոնը զբաղեցնող անձի հայտարարություններում և առկա աշխարհաքաղաքական իրողություններում մեկ բան ակնհայտ է։ Թուրքիան և Ադրբեջանն իրենց առջև խնդիր են դրել՝ ամեն գնով ստանալ Զանգեզուրի արտատարածքային միջանցքը, որը չի լինելու Հայաստանի վերահսկողության տակ և փոխանակ պայմանավորվելու՝ երկար տարիներ Հայաստանի դաշնակից Ռուսաստանի հետ, Նիկոլ Փաշինյանը միտումնավոր սրում է։
Արդյո՞ք նա անվտանգության երաշխիքներ է ստացել Արևմուտքից, նախքան իր այդ չափազանց վտանգավոր ուղերձի հրապարակումը, Փաշինյանն արդեն հասցրել էր զրուցել պետքարտուղար Էնթոնի Բլինքենի, Գերմանիայի կանցլեր Օլաֆ Շոլցի հետ։ Հավաքական Արևմուտքն, իհարկե, ամենևին էլ ցանկություն չունի օգնելու և աջակցելու Հայաստանին, փոխարենը փորձում է նոր ճակատ բացել Ռուսաստանի դեմ։
2020 թվականի 44-օրյա պատերազմից ուշքի չեկած՝ այսօր էլ ծայրահեղ ծանր վիճակում գտնվող Հայաստանը չի կարող լինել, ո՛չ Վրաստան, ո՛չ Ուկրաինա, եթե Վրաստանի կամ Ուկրաինայի դեպքում նրանց սպառնում են ընդամենը մեկ պետություն, ապա Հայաստանին, ըստ էության, վտանգ է սպառնում երեք ուժերից՝ Թուրքիայի և Ադրբեջանին չհաշված, այժմ էլ Փաշինյանը Հայաստանը թշնամացնում է Ռուսաստանի դեմ։
Այսպիսի հարվածը գերտերությանը բնականաբար լռելյայն չեն տանի և պատասխանելու են ամբողջ ուժով։ Այն, ինչ Հայստանի Հանրապետության հետ անում է Նիկոլ Փաշինյանը, դժվար է վերագրել միայն ապիկարությանն ու ոչ կոմպետենտությանը, սա պարզ դավաճանություն է, ստեղծել իրավիճակ, երբ թշնամիներն Արցախը զավթելուց հետո տարածքներ կզավթեն նաև Հայաստանից, ապա և, փաստի առաջ կանգնեցնելով Հայաստանի Հանրապետությանը, ճողոպրել։
Կկարողանա՞ արդյոք ընդդիմությունն ու հայ հանրությունն ի վերջո վեր կանգնել նեղ անձնական կամ նեղ կուսակցական շահերից, և Փաշինյանին հեռացնելով կանխել վտանագվոր և ծայրաստիճան ծանր այս ընթացքը, բարդ է ասել, բայց որ Հայաստանն ապրում է իր կյանքի ամենաբարդագույն օրերից մեկը հաստատապես այդպես է։
Անժելա Կարապետյան
