Արդյո՞ք «Արարատ» կոնյակը կհեռանա Ռուսաստանից Absolut օղուց և Jameson վիսկիից հետո
ՎԵՐԼՈՒԾՈՒԹՅՈՒՆՆԵՐ
Kp.ru-ն գրում է, որ իհարկե չի կարելի առավոտը սկսել տխուր լուրերով, բայց դա պետք է անել: Հայտնի ալկոհոլային խմիչքների խոշորագույն արտադրող Pernod Ricard-ը փակել է իր ներկայացուցչությունը Ռուսաստանում։ Ֆրանսիացի այս արտադրողին են պատկանում Chivas Regal, Jameson, Ballantine`s, Beefeater, Absolut, Olmeca աշխարհահռչակ ապրանքանիշերը և նույնիսկ հայկական Ararat կոնյակը: Լուրն անակնկալ չէր, դա հայտնի էր դեռ վեց ամիս առաջ, երբ ընկերության կայքում հայտնվեց հաղորդագրություն «2023 թվականի ապրիլի վերջին իր բոլոր միջազգային ապրանքանիշերի արտահանումը Ռուսաստան դադարեցնելու մասին»։ Եվ հիմա եկել է այդ պահը: Որոշ տեղեկությունների համաձայն ֆրանսիացիները վերջնականապես կհեռանան օգոստոսի վերջին։
Բայց չպետք է հուսահատվել՝ առանց ալկոհոլային խմիչքների չենք մնա։
- Մեր շուկան չի նկատի նրանց հեռանալը, քանի որ չնկատվեց ալկոհոլի այլ արևմտյան ընկերությունների հեռանալը,- վստահ է Ալկոհոլի դաշնային և տարածաշրջանային շուկաների հետազոտությունների կենտրոնի ղեկավար Վադիմ Դրոբիզը, – անցյալ տարվանից Ռուսաստանում հաջողությամբ գործում է զուգահեռ ներմուծման համակարգը։ Նախկինում մենք աշխատում էինք միջազգային կանոնների շրջանակներում, երբ ապրանքանիշի սեփականատերը գրանցում է իր ապրանքանիշն այն երկրում, որտեղ նա նախատեսում է մատակարարել, բացում է ներկայացուցչություն այնտեղ և ամբողջությամբ կազմակերպում է վաճառքը որպես մենաշնորհատեր։ Իսկ զուգահեռ ներմուծման դեպքում հեռացած արտադրողի արտադրանքը ներկրվում է միանգամից մի քանի մատակարարների կողմից։ Դա որոշակի անկայունություն է ստեղծում շուկայում, քանի որ, ինչ-որ մեկը շատ բան է բերում, մեկը քիչ, բայց դա ապահովում է ապրանքանիշերի առկայությունը խանութների ցուցափեղկերին։ Pernod Ricard-ի արտադրանքը ոչ մի տեղ չի անհետանա, պարզապես մատակարարման շղթան այլ կլինի։
Միևնույն ժամանակ, ըստ Դրոբիզի, խմիչքները չեն թանկանա, և գուցե նույնիսկ էժանանան մատակարարների միջև մրցակցության պատճառով։
-Սակայն պետք չէ դրա վրա հույս դնել, դոլարն իրեն չափազանց անկանխատեսելի է պահում, իսկ ակցիզները թանկանում են։
Խիստ մտահոգիչ է «Արարատ» հայկական կոնյակը, որի արտադրությունն արդեն որոշ ժամանակ է, ինչ պատկանում է «Պեռնո Ռիկարին»: Այն կվերանա մեր խանութներից։
«Արարատը» ապրանք է ոչ թե համաշխարհային շուկայի, այլ նախկին ԽՍՀՄ երկրների՝ նախկին ԽՍՀՄ հանրապետությունների համար,- ասել է Վադիմ Դրոբիզը, – առաքումների 90 %-ը բաժին է ընկնում Ռուսաստանին, Ուկրաինային և Ղազախստանին, որից 75 %-ը մեր շուկան է։ Բայց տեղը դատարկ չի լինի: Հայաստանը կշարունակի իր մատակարարումները: Այս հարցում կան նրբերանգներ: Փաստն այն է, որ Ֆրանսիան պայքարում է ամբողջ աշխարհի հետ, որպեսզի միայն այն խմիչքները, որոնք արտադրվում են իր տարածքում, կոչվեն կոնյակ։ Հայաստանը, ըստ ֆրանսիացիների, չի կարող կոնյակ արտադրել: Ուստի երկիրը համաձայնագիր է ստորագրել Եվրամիության հետ, որում թույլատրվում է օգտագործել «կոնյակ» տերմինը ևս 10 տարի, իսկ դրանից հետո ստիպված կլինեն փոխել անվանումը։ Ամենայն հավանականությամբ դա կլինի «Արարատ» բրենդի, բայց կունենա կոնյակի նույն որակը։
Նյութը հրապարակման պատրաստեց Կամո Խաչիկյանը
