Ռուսաստանն անվանեց իրական դավաճանին
ՎԵՐԼՈՒԾՈՒԹՅՈՒՆՆԵՐ
Ռուսաստանի ԱԳՆ-ը բրյուսելյան եռակողմ հանդիպումից առաջ արած հայտարարությամբ նշել է, թե՝ «Հայաստանի կողմից Լեռնային Ղարաբաղն որպես Ադրբեջանի տարածք ճանաչելուց հետո արմատապես փոխվել են այն հիմնարար պայմանները, որոնց ներքո ստորագրվել է 2020 թվականի նոյեմբերի 9-ի հայտարարությունը, ինչպես նաև տարածաշրջանում տեղակայված ռուսական խաղաղապահ առաքելության դրությունը»։ Այլ մանրամասներ չհայտնելով՝ ՌԴ արտգործնախարարությունը նշում է, որ այս պայմաններում Ղարաբաղի հայ բնակչության ճակատագրի պատասխանատվությունը չպետք է դրվի երրորդ երկրների վրա։ «Անհրաժեշտ է անհապաղ սկսել Բաքվի և Երևանի միջև խաղաղության պայմանագրի նախապատրաստումը՝ հիմնվելով նախկինում ձեռք բերված պայմանավորվածությունների վրա»,- ընդգծում է ռուսական կողմը։
Ըստ էության, պաշտոնական Մոսկվան հաստատում է, որ Հայաստանի գործող վարչախմբի հակառուսական քաղաքականությունը բացարձակապես վտանգավոր է դառձել հենց Արցախի բնակչության համար, ավելին հենց փաշինյանական վարչախումբն է փորձում պատասխանատվությունը բարդել ռուսական կողմի վրա՝ պարբերաբար նշելով, թե եռակողմ հայտարարությունից հետո Ռուսաստանն է պարտավոր ապահովել Արցախի և արցախցիների անվտանգությունը, մինչդեռ Մոսկվայից հնչած այս տեսակետը վկայում է , որ Նիկոլ Փաշինյանն ամեն ինչ արել է Մոսկվայի ձեռքերը կապելու և Ադրբեջանին բանակցային գործընթացում, լիակատար շարժվելու հնարավորություն ընձեռնելու առումով։
Արդյոք ուշ չէ՞ Մոսկվայի այս արձանագրումը, թերևս ժամանակի հետ եթե արվեր այս արձանագրումն, ապա հնարավոր կլիներ զգալի կանխել բազմաթիվ բացասական զարգացումներ։ Ադուհանդերձ այսօր էլ ուշ չէ, եթե հայ հանրությունը պարզ հասկանա, թե ով է իրականում հակառուսական տրամադրություններ գեներացնում և ինչի համար։
Արցախում համաժողովրդական շարժման ներկայացուցիչներն այս օրերին վրաններ են տեղադրել խաղաղապահ զորախմբի կենտրոնակայանի առջև և ռուսներից են պահանջում իրականացնել իրենց պարտականությունները, մինչդեռ Մոսկվան իր այս հայտարարությամբ բավարար պատասխանատվությունը լիովին դնում է հենց Հայաստանի գործող վարչախմբի վրա՝ փաստելով, որ իրենց հնարավորությունները զգալիորեն նվազել են Նիկոլ Փաշինյանի գործողությունների հետևանքով։
Լուսինե Ավագյան
