Ռուսաստանը կանգնած է փլուզման եզրին. ի՞նչ է սպասվում Հայաստանին
ՎԵՐԼՈՒԾՈՒԹՅՈՒՆՆԵՐ
Ռուսաստանը կանգնած է փլուզման եզրին։ «Վագներ» մասնավոր ռազմական խմբավորման առաջնորդ Եվգենի Պրիգոժինը զինված ապստամբություն է հրահրել և մի քանի հազար զինվորականներով արդեն գրավել է Ռոստով քաղաքը։ Զինված խմբավորման առաջնորդը Ռուսաստանի պաշտպանության նախարարության ղեկավարությանը մեղադրում է դավաճանության և Ռուսաստանի շահերի դեմ աշխատելու մեջ։
Ավելին Պրիգոժինը տեսանյութ է հրապարակել՝ հայտարաարելով, թե Սերգեյ Շոյգուն և Վալերի Գերասիմովը գնդակոծել են հենց «Վագների» դիրքերն, այլ ոչ ուկրաինացիներին։ Երեկ ուշ երեկոյան ուժեղացված հակահաբեկչական միջոցառում է սկսվել Ռուսաստանի գրեթե բազմաթիվ շրջաններում այդ թվում մայրաքաղաք Մոսկվայում և Սանկտ Պետերբուրգում։
Ինքը՝ Պրիգոժինն, իր զորքով մտել է Դոնի-Ռոստով և բազմաթիվ այլ բնակավայրեր, հայտարարել, թե 25 հազար զինյալների հետ շարժվելու է դեպի Մոսկվա։ Ռուսաստանի քննչական մարմինները քրեական գործ են հարուցել Եվգենի Պրիգոժինի դեմ զինված ապստամբության հոդվածով, իսկ նախագահ Վլադիմիր Պուտինն այսօր առավոտյան տեսաուղերձ է հղել՝ հայտարարելով, թե բոլոր դավաճանները պատասխանատվության են ենթարկվելու։
Ռուսաստանի ՊՆ ղեկավարության և զինված խմբավորումների հակամարտությունը բավականին երկար պատմություն ունի և հատկապես սրվել է վերջին ամիսներին, երբ Եվգենի Պրիգոժինն ակնհայտ դիմադրության մեջ մտավ Սերգեյ Շոյգուի հետ։ Որոշ վերլուծաբանների կարծիքով հակամարտությունն ոչ այնքան Պրիգոժինի և Շոյգուի միջև էր, որքան Վլադիմիր Պուտինի և ՌԴ ՊՆ ղեկավարության։
Թերևս Վլադիմիր Պուտինի տեսաուղերձը վկայում է, որ հակամարտությունը հենց իրականում էլ Եվգենի Պրիգոժինի և Շոյգուի միջև է, իսկ Պրիգոժինը ցանկանում է օգտագործել ռազմաճակատում անհաջողությունները և վերցնել իշխանությունը Ռուսաստանում։
Ցանկացած պարագայում Ռուսաստանի ներքին անկայունությունն արյունահեղություններն ու քաղաքացիական պատերազմը լրջագույն հետևանքներ են ունենալու ոչ միայն այդ երկրի, այլ նաև հարևան երկրների՝ հատկապես Հայաստանի համար, ուստի և օր առաջ անհրաժեշտ է, որպեսզի Ռուսաստանում իրավիճակը կարգավորվի։ Իրավիճակից արդեն օգտվել են նաև Ուկրաինացիներն, որոնք հարձակումներ են սկսել մի քանի՝ այդ թվում Բախմուտի ուղղությամբ։
Արամ Կիրակոսյան
