«Ապրելու երկիր» կուսակցությունը Երևանի ավագանու ընտրություններին մասնակցելու է ուժեղ թիմով

«Ապրելու երկիր» կուսակցությունը Երևանի ավագանու ընտրություններին մասնակցելու է բավական ուժեղ թիմով։ Ինչպես արդեն նշվել է քաղաքապետի թեկնածուն կուսակցության նախագահը Մանե Թանդիլյանն է։ Վերջինս երեկ հայտնել է, թե իր նախընտրական շտաբը ղեկավարելու է կուսակցության համահիմնադիր Մեսրոպ Առաքելյանը, ով չգիտի Մեսրոպին, կարճ ասեմ, սա նշանակում է դատապարտված ենք հաղթանակի։ Ծանր ժամանակների իմ անդավաճան ընկեր, քեզ ճանաչելը պատիվ է, քեզ հետ աշխատելն անխուսափելի հաջողություն,- նշել է Մանե Թանդիլյանը։

Կուսակցույունը բավական ճանաչված և հեղինակություն վայելող անհատների է ներգրավելու նախընտրական ցուցակում և փորձելու է բավական լուրջ մրցակցություն ապահովել Երևանի ավագանու ընտրություններում, ուստի բնավ էլ զարմանալի չէ, որ գործող իշխանությունները հատկապես մտահոգված են «Ապրելու երկրի» մասնակցության հայտից և իրենց քարոզչական բոլոր հարվածներն ուղղում են հենց «Ապրելու երկրին» , այլ ոչ ընդդիմադիր այլ ուժերի։

Մեր տեղեկություններով՝ իշխանությունը վերջին շրջանում պայմանավորվել է մի շարք մանր կուսակցությունների և տարբեր անհատների հետ փորձելով նրանց ևս առաջադրել քաղաքապետի ընտրություններում, նրանց միջոցով հարվածելու իրենց հիմնական ընդդիմախոսներին։ Սոցիալական ցանցերում հայհոյախոսությամբ աչքի ընկնող մի շարք երևույթներ առանձին մասնակցության հայտ են ներկայացնելու։ Բնականաբար նրանք չեն կարողանալու որևէ լուրջ մասնակցություն ունենալ ավագանու ընտրություններում, սակայն կկարողանան վասն Նիկոլ Փաշինյանի, հարամել ընտրական պրոցեսը կեղծիքներով և ստերով, ապակողմնորոշելով հանրությանը։ Միայն այս մեթոդով Ավինյանն ու նրա թիմակիցները կկարողանան որոշակի հաջողություններ արձանագրել Երևանի քաղաքապետի ընտրություններում։ 

Վազգեն Հայրապետյան