«Ապրելու երկրի» նոր բանաձևը. Երևանյան կոլորիտ՝ Երևանի համար

«Ապրելու երկիր» կուսակցությունը՝ ի դեմս կուսակցության նախագահ Մանե Թանդիլյանի, և «Արթուր Թարխանյան կենտրոնը»՝ ի դեմս Անահիտ Թարխանյանի, ստորագրել են համագործակցության հուշագիր, որով մեկնարկել է Երևանի զարգացման նախաձեռնություններ» ծրագիրը:

Լրագրողների հետ զրույցում անվանի ճարտարապետ Անահիտ Թարխանյանն ասել է, թե Երևանի ավագանու նախկին ընտրություններին, երբ ինքը մասնակցում էր, բազմաթիվ ծրագրեր ուներ, որոնք չիրականացան. «Ապրելու երկիր կուսակցության մեջ ես տեսա ուժ և կամք՝ փոխելու Երևանը»: 

Այս համագործակցության արդյունքում Երևանի դեմքը ներկայացնող կարևոր շենքերի վերականգնման նախագծեր են մշակվելու և ներկայացվելու են մասնագիտական հանրային քննարկման: Նախ կիրականացվի Երիտասարդական պալատի վերականգնման նախագիծը՝ ստեղծելով համահայկական երիտասարդական կենտրոն: Այնուհետև՝ կարդիականացվի «Զվարթնոց» օդանավակայանը և այսպես շարունակ:

Ըստ էության, արդեն ուրվագծվում է տենդենցը, թե Երևանի ավագանու ընտրություններում ինչպես է շարժվելու, ինչ քարոզարշավ է իրականացնելու «Ապրելու երկիր» կուսակցությունը։ Ներգրավելու են իրենց նախընտրական ծրագրի կազմման գործընթացում երևանյան հայտնի դինաստիաներին, մասնագիտական շրջանակներին։

Հիշեցնենք, որ առանձնակի սերտ հարաբերություններ կան կարեն Դեմիրճյանի ընտանիքի հետ, իսկ այժմ հուշագիր է ստորագրվում մեկ այլ՝ ոչ պակաս հայտնի ընտանիքի հետ։ Կուսակցության թիմում, չի բացառվում, որ կտեսնենք այդ ընտանիքների ներկայացուցիչների։

Բավական լուրջ և խորքային աշխատանք է տարվում, հաղթանակի դեպքում պրոֆեսիոնալ թիմ է աշխատելու Երևանում, որը բազմաթիվ անգամ ավելի պատրաստված է, և համեմատության եզրեր իսկ չունի ոչ միայն Երևանի, այլև այլ ոլորտների կառավարումը ձախողած գործող վարչախմբի հետ։

Ոչ պակաս ուշագրավ է այն հանգամանքը, որ «Ապրելու երկիրը» տուրք է տալիս երևանյան կոլորիտին, հիշում ժամանակին քաղաքը ծաղկեցրած անձանց, ընտանիքներին, փորձում նրանց կարողություններն օգտագործել ի նպաստ մայրաքաղաքի։

Ռուզաննա Աղաջանյան