«Քաղպայմանագիրը» խճճվել է դաշնակցական պատգամավորի հարցով

«Քաղաքացիական պայմանագիր» կուսակցությունը լուրջ երկընտրանքի առջև է. ի՞նչ ընթացք տալ դաշնակցական պատգամավոր Մհեր Սահակյանի գործին, արդյոք դատախազին հանձնարարել քրեական գործ հարուցելու միջնորդությամբ ներկայանալ ազգային ժողով, թե՝ ոչ։

Գործող իշխանության ներկայացուցիչները մի կողմից բավականին մեծ ցանկություն ունեն գործը տանել քրեական հետապնդման ճանապարհով, պատժել դաշնակցական պատգամավորին, պետաիրավական հարցերի հանձնաժողովի նախագահ Վլադիմիր Վարդանյանի դեմքին զարկելու համար։

Այդ կերպ իշխանությունը մտածում է ցույց տալ, որ դեռևս ուժեղ են և կարողանում են իրավապահների միջոցով լուծել ցանկացած պատգամավորի հարցը՝ ընդհուպ զրկել նրանց մանդատից։ Մյուս կողմից գործող իշխանությունները հասկանում են, որ հասարակության որոշ խավերի պահանջը՝ ուժով լուծելու գործող իշխանությունների հարցերը, տարածվում են ձնագնդու էֆեկտով։

Մհեր Սահակյանի հարվածը հազարավոր մարդկանց ոգևորության առիթ է դարձել, որը գործող վարչախմբի դեմ պայքարի միակ եղանակը տեսնում են հարցերն ուժով լուծելու մեջ։ Միևնույն ժամանակ գործող իշխանությունները հասկանում են, որ երբ դատախազը ներկայանա Ազգային ժողով կարող է քննարկումն ընթանալ բոլորովին հակառակ ուղղությամբ և պարզվի, որ ճիշտ են հանրության մեջ տարածված այն տեսակետները, թե «Քաղաքացիական պայմանագիրը» խորհրդարան է տանում կյանքում որևէ տեղ չկայացած, իրենց տղամարդավարի դրսևորած, ժողովրդական լեզվով ասած՝ «ղզիկ» արարածներին։

Հասկանում են, որ եթե գործը հասնի քննարկումներին, այդ կոմպլեքսը ցցվելու է, ապացուցվելու է, որ նույնիսկ մի կենցաղային կռվի մեջ «Քաղպայմանագիրը» բանի պետք չէ։

Ամբողջ կյանքում սեփական թերարժեքության բարդույթով տառապող «Քաղպայմանագիրի», պատգամավորները, ըստ մեր աղբյուրի, քննարկում է նաև գործը արգելակելու, «Դաշնակցության» հետ ինչ-ինչ պայմանավորվածությունների հանգելու հարցի շուրջ, և պատգամավորների մի մասը ցանկանում է ծածկադմբոց անել այս աղմուկը՝ հերթական անգամ չխայտառակվելու համար։ 

Սուրեն Կարապետյան