Իշխանության սոցհարցման տխուր արդյունքը. Փաշինյանին ընտրողները վտանգ են տեսնում նրա կողմնակիցներից

Երևանի քաղաքապետի ընտրություններին ընդառաջ գործող վարչախումբը պարբերաբար՝ երկու շաբաթը մեկ սոցհարցումներ է պատվիրում, և ամեն անգամ արդյունքները, մեղմ ասած, հուսահատության են մատնում Նիկոլ Փաշինյանին ու նրա կողմնակիցներին։

Վերջին սոցհարցումը տարօրինակ մի միտում է արձանագրել, ըստ որի՝ Նիկոլ Փաշինյանին քվե տվողներն առանձնապես հակված չեն ձայն տալ իշխանության այլ ներկայացուցիչների՝ նրանց վտանգ համարելով իրենց տխրահռչակ կուռքի համար։

Մեր աղբյուրի փոխանցմամբ, «Քաղաքացիական պայմանագրի» պարագլուխը անգամ վարչական ռեսուրսների լիակատար օգտագործման պարագայում, լավագույն դեպքում Երևանում ունի մինչև 28-30 տոկոս քվե։ Այդ ընտրողները, սակայն, միայն Նիկոլ Փաշինյանինն են։

Վարչապետի աթոռը զբաղեցնող անձի երկրպագուների միայն 62 տոկոսն է պատրաստ քվե տալ Տիգրան Ավինյանին։ Նույնիսկ եթե Նիկոլ Փաշինյանն անձամբ տանի քարոզարշավը՝ տուն առ տուն, բակ առ բակ մտնելով, գործող իշխանության կողմնակիցների զգալի մասը Ավինյանի ընտրությունը վտանգ է համարում Նիկոլ Փաշինյանի համար։

Ընդ որում, իրավիճակը այդպիսին է գրեթե ողջ երկրում։ Փաշինյանի կողմնակիցները մնացել են նրա իսկ անլուրջ քարոզչության տակ։ «Խեղճ Նիկոլը մեղավոր չէ», «Նիկոլն ի՞նչ անի, կողմնակիցներն են մեղավոր», «Նիկոլի դեմ շարասյուն է գործում» կարգի նարատիվների տարածումը նույն իշխանական քարոզչամեքենայի կողմից ստեղծել է մի իրավիճակ, երբ անգամ Փաշինյանի կողմնակիցներին նախկիններիհ հետ հավասար վտանգավոր են համարում։

Թեպետ որոշված է, որ ընտրությունները կայանալու են սեպտեմբերին, ՔՊ մեր աղբյուրը հայտնեց որ այժմ փորձում են չեզոքացնել իրենց իսկ քարոզչության հետևանքները, Երևանի իրենց ընտրողներին համոզել, որ Տիգրան Ավինյանն այնքան էլ վտանգավոր չէ Նիկոլ Փաշինյանի համար։

Լուսինե Մանուկյան