Ի՞նչ է անում Արևմուտքը Հայաստանում, որ չի կարողանում Ռուսաստանը. Կրեմլը պատասխաններ է փնտրում
ՎԵՐԼՈՒԾՈՒԹՅՈՒՆՆԵՐ
Ի՞նչ է անում Արևմուտքը Հայաստանում, որ չի կարողանում Ռուսաստանը։
Այս հարցի պատասխանը ստանալու համար Կրեմլը անկախ փորձագետների բավական մեծ խումբ է գործուղել Հայաստան՝ տեղի իրողությունների օբյեկտիվ պատկեր ստանալու, այն անմիջապես ՌԴ նախագահի աշխատակազմ ներկայացնելու համար։ Արդեն հայտնել ենք, թե Ռուսաստանի նախագահականը չի վստահում պաշտոնական ներկայացուցչություններին՝ դեսպանատանը, առանձին կառույցների, նաև հատուկ ծառայությունների ռեիզդենտներին։
Համարում է, որ նրանք ձախողել են հայկական ուղղությունը, միտումնավոր կամ չգիտակցված սխալ տեղեկություններ փոխանցել Մոսկվա, ինչի հետևանքով էլ Հայաստանում ՌԴ ազդեցությունն ու հանրային աջակցությունը լուրջ անկում է գրանցել։ Իրական պատկեր ստանալու համար Երևան է ժամանել ներկայացուցչական խումբ, որը վերլուծական պատկեր պատրաստելու համար հանդիպումներ է ունենում փորձագիտական հիմնական խմբերի հետ։ Առանց ավելորդ հանրայնացման այդ խումբը պարիտետը պահելու համար հանդիպում է անգամ իշխանամետ փորաձեգտների հետ։
Օրերս նման մի հանդիպում էլ կայացել է «ֆեյքերի ՊՈԱԿ»-ի հետ։ Հանդիպումներ են կայանալու ընդդիմադիր կամ չեզոք փորձագետների հետ, փորձելու են պարզել արևմտամետների մոտեցումները։
Մեր աղբյուրի փոխանցմամբ, ռուսաստանցի փորձագետների խումբն առաջին հերթին փորձում է հասկանալ, թե որն է Ռուսաստանի սխալը, որ կորցնում են հանրային աջակցությունը, ի՞նչ առավելություն ունեն արևմտյան կառույցները, ինչո՞վ են ավելի լավ աշխատում, քան ռուսները։
Մասնավորապես առանձին քննարկվում է դեսպանատան աշխատանքի արդյունավետությունը։ Կրեմլյան վարչակազմում կարծում են, թե դեսպան Կոպիռկինը շատ վատ է աշխատել, իսկ նրա տված տեղեկությունները ոչ օբյեկտիվ են, լուրջ կասկածներ կան, որ որոշակի շահարգրռգվածություններ ունի սխալ պատկեր ներկայացնելու։
Մասնավորապես, խիստ զարմանալի է թվացել ռուսական կողմի համար, որ Հայաստանում տիրապետելով տնտեսական զգալի ռեսուրսների, ԶԼՄ-ների, հանրային մուլտիպլեքսում ազատ հեռարձակվող հեռուստաընկերությունների, ազդեցության աճի փոխարեն նվազում են գրանցում։
Ուստիև, հանդիպումներից հետո կարող է արմատապես փոխվել Հայաստանի հետ տարվող աշխատանքի որակը, նաև շոշափելի կադրային փոփոխություններ լինեն։
Լուսինե Մանուկյան
