Անկախ ամեն ինչից, հասարակությունը միշտ դժգոհ է

Պարեկի արձակած կրակոցից քաղաքացի է մահացել: Սա առաջին դեպքն է երբ պարեկային ծառայողը զենքի գործադրման  է դիմում, որի արդյունքում ենթադրյալ հանցագործը մահանում է: Ըստ Պարեկային ծառայության մասին օրենքի՝ Պարեկային ծառայողները պարտականությունները կատարելիս իրավունք ունեն գործադրել իրենց տրամադրության տակ գտնվող հատուկ միջոցները՝

1) քաղաքացիների և ոստիկանության ծառայողի վրա կատարվող հարձակումը խափանելիս,
2) ոստիկանության ծառայողին կամ հասարակական կարգի պահպանության և հանցագործությունների դեմ տարվող պայքարին աջակցող, իրենց հասարակական կամ ծառայողական պարտականությունները կատարող անձանց նկատմամբ ցուցաբերվող դիմադրությունը խափանելիս կամ նրանց օրինական պահանջներին չենթարկվելու դեպքում,
3) իրավախախտման պահին բռնված և փախուստի փորձ կատարող անձանց բռնելիս,
4) երբ բավարար հիմքեր կան ենթադրելու, որ տվյալ անձը կամ անձինք պատրաստվում են զինված դիմադրություն ցույց տալ: 

Ստացվում է՝ կրակոց արձակած պարեկը գործել է օրինականության սահմաններում, բայց համացացում և հատկապես ֆեյսբուքյան հանրության շրջանում միայն մեղադրանքներ են, թե կարելի էր կացինը ձեռքին, ագրեսիվ վարք ունեցող քաղաքացու գործողությունները կանխել առանց կրակոցի, ով նաև գողության փորձ կատարելու մեջ էր կասկածվում: 

Փետրվարի 10-ին Հանրապետության հրապարակում և հարակից փողոցներում Համեր մակնիշի ավտոմեքենայի վարորդն, ով այդ պահին գտնվում էր թմրանյութի ազդեցության տակ, անկանոն վարում էր մեքենան, այդ նույն հասարակությունը պարեկային ծառայությանը մեղադրում էր չկրակելու և այդ մարդուն չսպանելու համար, ծաղրում էին պարեկների աշխատանքը, դիտարկում էին այն որպես անգործություն: Այն դեպքում, երբ վարորդը զիված չէր, իսկ հրազենը կիրառվում էր, միայն քաղաքացուն կանգնեցնելու համար, ինչը ևս ոստիկանների գործողության նպատակն էր, նաև հաշվի էր առնվում այն, որ քաղաքում բազմաթիվ մեքենաներ և անցորդներ կան:

 Ստացվում է, որ անկախ ամեն ինչից հասարակությունը միշտ դժգոհ է, միշտ գիտի թե ով և ինչ պետք է անի: Մի քանի ժամում մե՛կ հմուտ քաղաքագետ են և գիտեն թե ում հետ և ինչ է պետք բանակցել, մե՛կ վերածվում են ոստիկանական փորձագետի, մեկ էլ առողջապահության կազմակերպչի, որն էլ մեծ խնդիր է պետության կայացման գործում:

Աննա Ավետիսյան