««Խրախճանք ժանտախտի ժամանակ». մինչ արցախահայությունը տառապում է շրջափակումից, Ռուսաստանում Հայաստանի դեսպանությունը համերգներ է անցկացնում»
ՎԵՐԼՈՒԾՈՒԹՅՈՒՆՆԵՐ
Realtribune.ru–ն գրում է, որ փետրվարի 15-ին «Հայաստանի մշակույթի օրեր»–ի շրջանակում տեղի է ունեցել «Հայաստան-Ռուսաստան. Մշակույթների երկխոսություն» գալա համերգ: Եվ ամեն ինչ լավ կլիներ... Մեզնից որևէ մեկը դե՞մ է, որ հայերն ու ռուսները հարգեն միմյանց մշակութային ժառանգությունը: Իհարկե ոչ: Բայց կազմակերպիչները ցույց են տվել «դիվանագիտության» հրաշքներ և իրենց միջոցառման համար ընտրել են անհարմար ժամանակ: Արդյունքում ստացվել է հերթական «խրախճանքը ժանտախտի ժամանակ»։
Մինչ արցախահայությունը (որոնք հանդիսանում են Հայաստանի քաղաքացիներ) տառապում է շրջափակումից և իր տարրական քաղաքացիական իրավունքների ոտնահարումից մնալով ցուրտ ու սուղ նյութական պայմաններում, Ռուսաստանի Դաշնությունում Հայաստանի դեսպան Վաղարշակ Հարությունյանը գովաբանելով հայ-ռուսական բարեկամությունը պարերով ու երգերով մաշտաբային համերգ է կազմակերպում Յարոսլավլի ողջ տարածաշրջանի համար։ Ավելին, հայ պաշտոնյաները նույնիսկ ժամանակ են գտել իրենց ինքնասիրությունը շոյելու համար: Հարությունյանը հանդիսավոր կերպով պարգևատրել է իր գործընկեր, Յարոսլավլի մարզում Հայաստանի պատվավոր հյուպատոս Վահագն Խաչատրյանին։ Ինչո՞ւ ոչ:
Ռուսաստանում հայերն արդեն լուծել են իրենց բոլոր խնդիրները, հայ-ռուսական «դաշնակցային» հարաբերությունները ծաղկում ու բուրում են, Արցախում և Սյունիքում հայերի անվտանգությանը ոչ ոք չի սպառնում, իսկ Արցախում ռուսական զորքերը խստորեն հետևում են «եռակողմ հայտարարությունների» յուրաքանչյուր տառին, ըստ որի պարտավոր են երաշխավորել Ստեփանակերտ-Գորիս մայրուղու երկայնքով անխափան տրանսպորտային կապը։ Ամեն ինչ այնպես է, ինչպես հայտնի երգում՝ «Ամեն ինչ լավ է, սիրուն մարկիզուհի...»: Ո՞ւմ եք փորձում հաճոյանալ: Չե՞ք ամաչում արածի համար։ Բայց իզուր...
Նյութը հրապարակման պատրաստեց Կամո Խաչիկյանը
