Մանիպուլյացիա «պեռաշկիով». Փաշինյանի տգիտությունը սահմաններ չունի

Հայաստանի քաղաքական և հանրային ցանցի ամենախոցելի խնդիրներից մեկը չափազանց արագ գործող իշխանությունների սադրանքներին և տարատեսակ մանիպուլյացիաներին ենթարկվելն է։ Երեկ ուշ երեկոյան էլ հայկական ֆեյսբուքը «ցնցվում էր» վարչապետի տիկին Աննա Հակոբյանի գրառումներից և լուսանկարներից, որտեղ Հայաստանի իշխանությունը զավթած այր ու կին ախորժակով «պեռաշկի» էին ըմբոշխնում Երևանում և Գյումրիում։

«Մենք ոչ միայն զբոսնում ենք մեր տարբեր քաղաքներում, այլև կարկանդակ ու եգիպտացորեն ենք վայելում, խանութներից առևտուր ենք անում, սրճարաններում ենք լինում և այլն և այլն, պարզապես միշտ չէ, որ դուք մեզ նկատում եք»,- գրել է Աննա Հակոբյանը։

Սոցցանցերում քննադատությունների տարափ է՝ վարչապետի պաշտոնը զբաղեցնողի և նրա տիկնոջ հակաէսթետիկ պահվածքի դեմ։ Հատկապես առկա իրավիճակում, երբ Փաշինյանը 44-օրյա պատերազմից հետո մեկուսացել էր, իսկ հանրության մեջ հայտնվում էր հազվագյուտ, այն էլ թիկնապահների մեծ խմբի ուղեկցությամբ, Աննա Հակոբյանի այս գրառումը կարելի է մանիպուլյացիա և ծաղր որակել։ Ոչ միայն ընդդիմադիր քաղաքական ուժերի, այլև փաշինյանական վարչախմբի նկատմամբ ատելությամբ լցված ժողովրդի նկատմամբ։

Ըստ էության, իր այս գրառումով վարչապետի տիկինը փորձում է համոզել, թե իրենք դեռևս լուրջ աջակցություն ունեն հանրության շրջանում և կարողանում են առանց թիկնապահների ուղեկցությամբ դուրս գալ քաղաք։ Մինչդեռ, մեր աղբյուրների փոխանցմամբ՝ վարչապետն ու իր ընտանիքի անդամները, կամ ծպտված դեմքները փակած են հայտնվում տարբեր հատվածներում, շատ արագ նկարվում և հեռանում, կամ էլ տեղաշարժվում են թիկնապահների մեծ խմբի ուղեկցությամբ, սակայն այնպիսի ռակուրսներից են լուսանկարներն անում, որպեսզի հետագայում կարողանան դրանք օգտագործել ներքաղաքական նպատակներով։

Ամեն դեպքում, փաստն այն է, որ պատերազմից գրեթե 2,5 տարի անց Նիկոլ Փաշինյանին հաջողվում է կրկին էժանագին գրառումներով և լուսանկարներով շեղել հանրության ուշադրությունը օրախնդիր տարբեր հարցերից, իսկ անհեթեթ խոսակցությունների հորձանուտում կորսվում է իրական քաղաքական երկխոսության և քաղաքական մտքի հնարավորությունը։