Նիկոլ Փաշինյանն ու Դավութօղլուի ակնարկը
ՎԵՐԼՈՒԾՈՒԹՅՈՒՆՆԵՐ
Երևանում երեկ կայացել է «Ընդեմ ցեղասպանության հանցագործության 4-րդ գլոբալ ֆորումը», որտեղ տարօրինակ և անհեթեթ հայտարաություններով է հանդես եկել վարչապետի պաշտոնը զբաղեցնող Նիկոլ Փաշինյանը։
«Ես չեմ ուզում, որ ցեղասպանության կանխարգելման ու դատապարտման թեման դառնա ժողովուրդների դատապարտման առիթ և ժողովուրդների թշնամանքի խորացման հարթակ»,- հայտարարել է Փաշինյանը, որը 44- օրյա պատերազմից հետո մի կողմ է դրել Հայոց ցեղասպանության միջազգային ճանաչման գործընթացը և իր բոլոր գործողությունները իրականացնում է թուրք-ադրբեջանական տանդեմի օրակարգի հանգույն։
Նա հայտարարել է, թե մեր տարածաշրջանում թշնամությունը պետք է կառավարվի և դա պետք է սկսել ատելության խոսքի կառավարումից, որը գոյություն ունի Հայաստան - Թուրքիա, Հայաստան-Ադրբեջան հարաբերություններում։
«Ցեղասպանության կանխարգելման ամենակարևոր գործիքներից մեկն այն է, որ մենք պաշտոնական մակարդակով ընդունում ենք, որ պետք է Հայաստանում դադարեցնենք քաղաքական մրցակիցներին կամ հակլառակորդներին վիրավորելու համար օգտագործել ուրիշ ազգի անուն»,-ասել է Փաշինյանը։ Նա շեշտել է, որ Հայաստանում որևէ մեկին սուր ձևով վիրավորելու համար անվանում են թուրք, ինչը ըստ իրեն անընդունելի է։
«Ես ,մի մարդ եմ, որը ձեզ հայտնի շատ հանգամանքների բերումով շատ է արժանացել այդ հասցեագրմանը և ինձ վիրավորելու միտում ունեցող մարդկանց ուզում եմ ասել, որ դրանով իրենք ինձ ամենևին չեն վիրավորում, որովհետև ես դա վիրավորանք չեմ ընդունում, Ադրբեջանում էլ կա այդ երևույթը, երբ մեկին վիրավորելու համար ասում են հայ, կարծում եմ որ կառավարությունների մակարդակով պետք է ասենք, որ մենք հաշտ չենք այս իրողությունների հետ»,- հայտարարել է Փաշինյանը։
Հայ հանրությունը բորբոքվել է այս ազգադավ և տրամաբանությունից զուրկ հայտարարություններից, սոցցանցերի օգտատերերը նույնիսկ ծաղրում են, թե թուրքերն, օրինակ, կարող են նեղանալ Փաշինյանին թուրք անվանելու համար։ Մինչդեռ,Նիկոլ Փաշինյանին լավագույն պատասխանը տվել է Թուրքիայի նախկին վարչապետ և արտգործնախարար, իսկ այժմ՝ ընդդիմադիր «Ապագա» կուսակցության հիմնադիր առաջնորդ Ահմեդ Դավութօղլուն, որը ներկայիս Թուրքիայի հիմնական գաղափարախոսներից մեկն է։
Դավութօղլուն հայտարարել է, թե հիմա ճիշտ ժամանակն է Հայաստանի հետ հարաբերությունները կարգավորելու։
«Հայաստանն ունի քաղաքական և տնտեսական խնդիրներ, պայմանները հարմար են, որպեսզի Թուրքիան կարողանա ստանալ այն, ինչ ցանկանում է»,- առանց սեթևեթելու նշել է Դավութօղլուն։ Սա իհարկե լավագույն ապտակն է նիկոլ Փաշինյանին՝ ինչը բնականաբար նա չի հասկանալու և շարունակելու է նույն թուրքաբարո կեցվածքը։
Գայանե Թանդիլյան
